సలార్ సినిమా ఇంగ్లీష్ వెర్షన్ పై ప్రత్యేక శ్రద్ధ: కొద్దిగా ఆలస్యంగా రిలీజ్
ఈ వార్తాకథనం ఏంటి
ప్రభాస్, ప్రశాంత్ నీల్ కాంబోలో తెరకెక్కుతున్న సలార్ సినిమాపై అంచనాలు విపరీతంగా ఉన్నాయి. సలార్ టీజర్ కు యూట్యూబ్ లో వందమిలియన్లకు పైగా వ్యూస్ వచ్చాయి.
పాన్ ఇండియా రేంజ్ లో తెలుగు, తమిళం, కన్నడ,మలయాళం, హిందీ భాషల్లో రిలీజ్ కానున్న సలార్ సినిమా, ఇంగ్లీష్ లోనూ విడుదల కానుందని తెలుస్తోంది.
సలార్ ఇంగ్లీష్ వెర్షన్ పై చిత్రబృందం ప్రత్యేక శ్రద్ధ తీసుకుంటోందని సమాచారం. డబ్బింగ్, సౌండ్ సహా అన్ని అంశాలపై ఫోకస్ పెట్టినట్లు వినిపిస్తోంది.
అయితే సలార్ సినిమా ఇంగ్లీష్ వెర్షన్ ను కొద్దిగా ఆలస్యంగా రిలీజ్ చేయనున్నారట.
Details
అక్టోబర్ 13న సలార్ ఇంగ్లీష్ వెర్షన్ విడుదల
భారతీయ భాషల్లో సెప్టెంబర్ 28న రిలీజ్ అవుతున్న సలార్, ఇంగ్లీష్ వెర్షన్ మాత్రం అక్టోబర్ 13న రిలీజ్ అయ్యే అవకాశం ఉందని చెప్పుకుంటున్నారు.
ఈ విషయమై అధికారిక సమాచారం బయటకు రాలేదు కానీ సోషల్ మీడియాలో తెగ వైరల్ అవుతోంది. మరి అధికారికంగా ఎప్పుడు ప్రకటిస్తారో చూడాలి.
కేజీఎఫ్ మాదిరి గ్యాంగ్ స్టర్ కథాంశంతో రూపొందుతున్న సలార్ సినిమాలో శృతి హాసన్ హీరోయిన్ గా కనిపిస్తోంది.
మలయాళ నటుడు పృథ్వీరాజ్ సుకుమారన్ విలన్ గా కనిపించనున్నారు. జగపతి బాబు, ఈశ్వరి రావు, టీనూ ఆనంద్ ప్రత్యేక పాత్రల్లో కనిపిస్తున్నారు.