సలార్ పేరు మీద అర్చన: సినిమా మీద ప్రేమను చాటుకున్న ప్రశాంత్ నీల్
ఈ వార్తాకథనం ఏంటి
సాధారణంగా గుడికి వెళ్ళినప్పుడు కుటుంబ సభ్యులందరి పేర్ల మీద అర్చన చేయించడం అందరికీ అలవాటుగా ఉంటుంది.
అయితే ప్రస్తుతం ప్రశాంత్ నీల్ తన కుటుంబ సభ్యులతో పాటు సలార్ సినిమా పేరు మీద కూడా అర్చన చేయించాడు.
అవును, మీరు విన్నది నిజమే.. కేజీఎఫ్ సినిమాతో చరిత్ర సృష్టించిన ప్రశాంత్ నీల్ ప్రస్తుతం ప్రభాస్ హీరోగా సలార్ సినిమాను తెరకెక్కిస్తున్నాడు.
శృతిహాసన్ హీరోయిన్ గా రూపొందుతున్న ఈ సినిమా సెప్టెంబర్ 28వ తేదీన రిలీజ్ కావాల్సింది. కానీ అనుకోని కారణాలవల్ల ఈ సినిమా వాయిదా పడింది.
ప్రస్తుతానికి వాయిదా విషయంపై అధికారికంగా ఎలాంటి సమాచారం రాలేదు. గ్రాఫిక్స్ పనుల కారణంగా సినిమా వాయిదా పడినట్లు తెలుస్తోంది.
Details
వైరల్ గా మారిన అర్చన వీడియో
సలార్ సినిమా పోస్ట్ ప్రొడక్షన్ పనుల్లో బిజీగా ఉన్న దర్శకుడు ప్రశాంత్ నీల్, తాజాగా ఒకానొక గుడిని సందర్శించుకున్నాడు.
అక్కడ పూజారికి తన కుటుంబ సభ్యులందరి పేర్లు చెప్పి ఆ తర్వాత సలార్ పేరు మీద కూడా అర్చన చేయించాడు. ప్రస్తుతం ఈ వీడియో ఇంటర్నెట్లో వైరల్ గా మారుతోంది.
సినిమా పేరు మీద అర్చన చేయించడం ఆ సినిమా మీద దర్శకుడికి ఉన్న ప్రేమను తెలియజేస్తుందని, సలార్ సినిమా మీద ప్రశాంత్ నీల్ ఎంత ప్రేమ పెట్టుకున్నాడో అర్థమవుతుందని నెటిజన్లు కామెంట్లు చేస్తున్నారు.
సలార్ సినిమాలో జగపతిబాబు, పృథ్వీరాజ్ సుకుమారన్, ఈశ్వరి రావు ప్రధాన పాత్రల్లో కనిపిస్తున్నారు. మరో రెండు మూడు రోజుల్లో సలార్ కొత్త విడుదల తేదీని ప్రకటించనున్నారని సమాచారం.
ట్విట్టర్ పోస్ట్ చేయండి
ప్రశాంత్ నీల్ అర్చన చేయిస్తున్న వీడియో
#PrashanthNeel is telling His Film #Salaar name with his Family members names to "pujari". He visited his Father's Grave in Neelakantapuram, Satyasai District,He'll be participating in the Krishnashtami celebrations along with villagers#prabhas #SalaarTrailer #salaaronsep28th pic.twitter.com/PWOk7dRKvK
— RebelStar Prabhas (@CrazyError9) September 7, 2023