Pratinidhi 2: నారా రోహిత్ ప్రతినిధి 2 ట్రైలర్ రిలీజ్.. కాంట్రవర్సీని టచ్ చేసిన దర్శకుడు
నారా రోహిత్ కాస్త గ్యాప్ తర్వాత 'ప్రతినిధి 2' సినిమాతో ప్రేక్షకుల ముందుకు రాబోతున్న సంగతి తెలిసిందే. సినిమాకు సంబంధించి తాజాగా ట్రైలర్ విడుదలైంది.సీఎంను ఎందుకు చంపావు అంటూ మొదలైన ట్రైలర్లో నారా రోహిత్ను మొదట ఒక జర్నలిస్టుగా చూపించారు. పదేళ్ల క్రితం వచ్చిన ప్రతినిధి మూవీ సామాజిక సమస్యలపై పోరాడితే 'ప్రతినిధి-2' రాజకీయ సమస్యలు సమాజంపై ఎలాంటి ప్రభావం చూపిస్తాయి అని తెలిసేలా తెరకెక్కించారు. ఈ మూవీలో నారా రోహిత్తో పాటు రఘుబాబు, ఇంద్రజ, తనికెళ్ళ భరణి, సప్తగిరి ప్రధాన పాత్రల్లో నటింటారు. కుమార్ రజా బత్తుల, ఆంజనేయులు శ్రీ తోట, సురేంద్రనాథ్ బొల్లినేని కలిసి ఈ చిత్రాన్ని రానా ఆర్ట్స్ బ్యానర్ పై నిర్మించారు.
సమైఖ్య ఆంద్రప్రదేశ్లో జరిగిన యధార్ధ ఘటన
ఈ మూవీకి కథ, స్క్రీన్‌ప్లే, దర్శకత్వం బాధ్యతలు మూర్తి దేవగుప్తపు తీసుకోగా సంగీతం మహతి స్వర సాగర్ అందించారు. 15 ఏళ్ల క్రితం సమైఖ్య ఆంధ్రప్రదేశ్ లో జరిగిన యధార్ధ ఘటనలను గుర్తు చేసే సీన్స్ కొన్ని ట్రైలర్లో కనిపిస్తాయి. అసలే ప్రస్తుతం తెలుగు రాష్ట్రాలు ఎన్నికల వేడిలో మండిపోతున్నాయి. ఇప్పుడు విడుదలైన 'ప్రతినిధి 2' ట్రైలర్ ఆ వేడిని ఇంకాస్త పెంచేలా ఉంది. ట్రైలర్లోనే కాస్త కాంట్రవర్సీని టచ్ చేసినట్లు కనిపిస్తోంది.
