Production No2: జాక్ పాట్ కొట్టిన 'దృశ్యం' చినపాప ఎస్తేర్ అనిల్
ఈ వార్తాకథనం ఏంటి
దృశ్యం సినిమాలో విక్టరీ వెంకటేష్ రెండో కూతురిగా నటించిన ఎస్తేర్ అనిల్ జాక్ పాట్ కొట్టింది.
గతంలో జోహర్ అనే సినిమాలో హీరోయిన్గా నటించిన ఎస్తేర్ ఇప్పుడు తాజాగా సినీ నిర్మాత లగడపాటి శ్రీధర్ కుమారుడు సహిదేవ్ లగడపాటితో సినిమాకు కమిట్ అయింది.
సినిమా చూపిస్తామావా, నేనులోకల్ చిత్రాల దర్శకుడు నక్కిన త్రినాథ్ రావు ఏకంగా నిర్మాతగా మారి ఈ సినిమాను నిర్మిస్తున్నారు.
తాజాగా ఈసినిమాకు సంబంధించిన పూజా కార్యక్రమాలు బుధవారం హైదరాబాద్ లో జరిగాయి.
నక్కిన త్రినాథ్రావు రాసిన కథకు వంశీకృష్ణ మళ్ల దర్శకత్వం వహిస్తున్న ఈ చిత్రానికి నరేష్తుల, ఉదయ్ భాగవతుల, నక్కిన త్రినాథ్రావు లు స్క్రీన్ ప్లే అందిస్తున్నారు.
Details
ఆంధ్రా బ్యాక్ డ్రాప్ లో సాగే ఫుల్ టైమ్ ఎంటర్టైనర్
పూజా కార్యక్రమాలతో లాంఛనంగా ప్రారంభమైన ఈ చిత్రం ముహుర్తపు షాట్కు నటుడు సుమంత్ దర్శకత్వం వహించగా మరో నటుడు సందీప్ కిషన్ క్లాప్ కొట్టారు.
శరత్ మరార్ కెమెరా స్విచ్ఛాన్ చేశారు.
ఈ సినిమా మొత్తం ఆంధ్రా బ్యాక్ డ్రాప్ లో సాగే ఫుల్ టైమ్ ఎంటర్టైనర్గా తెరకెక్కిస్తున్నారు. ఈ సినిమాకు దావంద్ సంగీతాన్ని సమకూరుస్తున్నారు.