అమెరికా వీధుల్లో కమల్ హాసన్: ప్రాజెక్ట్ కె కోసం హాలీవుడ్ చేరుకుంటున్న నటులు
ప్రభాస్ పాన్ వరల్డ్ మూవీ ప్రాజెక్ట్ కె సినిమా నుండి జులై 21వ తేదీన గ్లింప్స్ రాబోతున్న సంగతి తెలిసిందే. అమెరికాలోని కాలిఫోర్నియా రాష్ట్రంలో సాన్ డియాగో నగరంలో జరిగే కామిక్ కాన్ ఇంటర్నేషనల్ ఈవెంట్లో ప్రాజెక్ట్ కె టీమ్ పాల్గొంటుంది. ఈ ఈవెంట్లోనే ప్రాజెక్ట్ కె టైటిల్, గ్లింప్స్ ని రిలీజ్ చేయబోతున్నారు. ఇప్పటివరకు ఈ ఈవెంట్లో భారతదేశం నుండి ఒక్క సినిమా కూడా పాల్గొనలేదు. ఈ క్రమంలో ఇండియా నుండి మొదటి సినిమాగా ప్రాజెక్ట్ కె చరిత్ర సృష్టించనుంది. కామిక్ కాన్ ఈవెంట్లో దర్శకుడు నాగ్ అశ్విన్, హీరో ప్రభాస్, హీరోయిన్ దీపికా పదుకొణె, కమల్ హాసన్ కనిపించబోతున్నారు. ఈ నేపథ్యంలో ఒక్కొక్కరుగా అమెరికా చేరుకుంటున్నారు.
గుడ్ మార్నింగ్ అమెరికా అంటూ పోస్ట్
ఆల్రెడీ ప్రభాస్, రానా అమెరికాలో దిగిన ఫోటోలు ఇంటర్నెట్ లో వైరల్ అవుతున్నాయి.ప్రస్తుతం లోకనాయకుడు కమల్ హాసన్ కూడా అమెరికా చేరుకున్నారు. ఈ విషయాన్ని ప్రాజెక్ట్ కె నిర్మాణ సంస్థ వైజయంతీ మూవీస్ వెల్లడి చేసింది. అమెరికా వీధుల్లో తిరుగుతున్న కమల్ హాసన్ ఫోటోని షేర్ చేస్తూ, గుడ్ మార్నింగ్ అమెరికా అనే ట్యాగ్ లైన్ ని ఇచ్చింది. ప్రస్తుతం ఈ పోస్టు వైరల్ గా మారుతోంది. ప్రాజెక్ట్ కె సినిమాలో అమితాబ్ బచ్చన్, దిశా పఠాని కూడా నటిస్తున్నారు. సైన్స్ ఫిక్షన్ జోనర్లో రూపొందుతున్న ఈ సినిమాపై అంచనాలు విపరీతంగా ఉన్నాయి. 500కోట్లకు పైగా బడ్జెట్ తో రూపొందుతున్న ఈ సినిమాకు సి అశ్వనీదత్ నిర్మాతగా వ్యవహరిస్తున్నారు.
