ప్రాజెక్ట్ కె: అమెరికాలో ప్రభాస్ అభిమానుల కార్ ర్యాలీ; కార్లతో ప్రాజెక్ట్ కె లోగో
పాన్ ఇండియా స్టార్ ప్రభాస్ నటిస్తున్న ప్రాజెక్ట్ కె సినిమా నుండి జులై 21వ తేదీన గ్లింప్స్ రిలీజ్ అవుతున్న సంగతి తెలిసిందే. అమెరికాలోని శాని డియాగోలో జరుగుతున్న కామిక్ కాన్ ఇంటర్నేషనల్ ఈవెంట్లో గ్లింప్స్ లాంచ్ కానుంది. ఈ నేపథ్యంలో ప్రభాస్ అభిమానులు ఉత్సాహంగా ఉన్నారు. ఆ ఉత్సాహాన్ని కార్ ర్యాలీ రూపంలో చూపించారు. అమెరికా రాష్ట్రం మిస్సోరిలో కార్ ర్యాలీని నిర్వహించిన అభిమానులు, ప్రాజెక్ట్ కె లోగోను కార్లతో రూపొందించారు. ఈ వీడియోను వైజయంతీ మూవీస్ విడుదల చేసింది. నాగ్ అశ్విన్ దర్శకత్వం వహిస్తున్న ప్రాజెక్ట్ సినిమాలో అమితాబ్ బచ్చన్, కమల్ హాసన్, దీపికా పదుకొణె, దిశా పఠాని నటిస్తున్నారు.
