టైమ్ మ్యాగజైన్ లో రాజమౌళి పేరు, 100మందిలో ఇండియా నుండి ఇద్దరే

వ్రాసిన వారు Sriram Pranateja

Apr 14, 2023

11:22 am

ఈ వార్తాకథనం ఏంటి

ఆర్ఆర్ఆర్ తో తెలుగు సినిమా స్థాయిని ఆస్కార్ వరకూ తీసుకెళ్ళిన ఘనుడు రాజమౌళి. ప్రతీ సినిమా కళాకారుడు కలలుగనే ఆస్కార్ అవార్డును నాటు నాటు పాటతో సాధించి చూపించాడు. తెలుగు సినిమాకు అంత ఉందా అని తెగించి మాట్లాడిన వాళ్ళ నోర్లు మూయించేలా తెలుగు సినిమా పతాకాన్ని ప్రపంచ పటం మీద ఎగరవేసాడు రాజమౌళి. సినిమా సినిమాకు ఎత్తుకు ఎదుగుతూనే ఉన్న రాజమౌళి, ఈసారి టైమ్ మ్యాగజైన్ 100మంది ఇన్ ఫ్లుయన్స్ పీపుల్స్ 2023 లిస్ట్ లో చోటు దక్కించుకున్నాడు. ప్రపంచ వ్యాప్తంగా అత్యంత ప్రభావం చూపిన 100మంది లిస్టును టైమ్ మ్యాగజైన్ విడుదల చేసింది. అందులో భారతీయ సినిమా ఇండస్ట్రీ నుండి రాజమౌళి, షారుక్ ఖాన్ ఉన్నారు.

Details

లిస్టులో ఎలాన్ మస్క్, జో బైడెన్

టైమ్ మ్యాగజైన్ విడుదల చేసిన 100మందిలో పయనీర్స్ లిస్టులో రాజమౌళికి చోటు దక్కింది. అలాగే బాలీవుడ్ నటుడు షారుక్ ఖాన్, ఐకాన్ లిస్టులో ప్లేస్ దక్కించుకున్నాడు. ఈ లిస్టులో అమెరికా అధ్యక్షుడు జో బైడెన్, ప్రపంచ కుబేరుడు ఎలాన్ మస్క్, హాలీవుడ్ తారలైన ఏంజెలా బాస్సెట్, మైఖేల్ బి జోర్డాన్, కోలిన్ ఫారెల్ ఉన్నారు. ఇటీవల షారుక్ ఖాన్ సినిమా పఠాన్, బాక్సాఫీసు వద్ద మంచి సక్సెస్ సాధించింది. అత్యధిక వసూళ్ళు అందుకుని రికార్డులు సృష్టించింది. ఇక రాజమౌళి విషయానికి వస్తే, ఆర్ఆర్ఆర్ తర్వాత సూపర్ స్టార్ మహేష్ బాబు తో సినిమా చేయడానికి సిద్ధమవుతున్నాడు. ప్రస్తుతం స్క్రిప్ట్ పనులు జరుగుతున్నాయని సమాచారం.