ఆస్కార్ ఫలితాల కంటే ముందు మరోసారి థియేటర్లలోకి రానున్న ఆర్ఆర్ఆర్?
ఈ వార్తాకథనం ఏంటి
95వ ఆస్కార్ అవార్డుల ప్రధానోత్సవం మార్చ్ 12వ తేదీన హాలీవుడ్ లోని డాల్బీ థియేటర్లో జరగనుంది. ఈసారి ఇండియా నుండి ఆస్కార్ అవార్డులకు మూడు నామినేషన్లు దక్కాయి.
ఆర్ఆర్ఆర్ లోని నాటు నాటు పాటకు ఒరిజినల్ సాంగ్ విభాగంలో నామినేషన్ దక్కింది. ఈ విభాగంలో ఆస్కార్ ఖచ్చితంగా అందుకుంటుందని అందరూ నమ్ముతున్నారు.
ఆల్రెడీ గోల్డెన్ గ్లోబ్ అవార్డు సొంతం చేసుకోవడంతో, ఆస్కార్ అవార్డ్ పక్కా వస్తుందని ఆశిస్తున్నారు. ఇదిలా ఉంటే ఆర్ఆర్ఆర్ మూవీని మరోమారు రిలీజ్ చేయాలని చిత్రబృందం ప్లాన్ చేస్తున్నట్లు సమాచారం అందుతోంది.
ఈ విషయమై చిత్రబృందం కసరత్తులు చేస్తుందని, ఏయే భాషల్లో రిలీజ్ చేయాలి, ఎన్ని థియేటర్లలో రిలీజ్ చేయాలనే లెక్కలు వేసుకుంటున్నట్లు చెప్పుకుంటున్నారు.
ఆర్ఆర్ఆర్
ఆస్కార్ ఫలితాల కంటే ముందుగానే థియేటర్లలో ప్రదర్శన
ఆర్ఆర్ఆర్ సినిమాను ఎన్ కోర్ ల రూపంలో అమెరికా వాసులు థియేటర్లలో ఎంజాయ్ చేస్తున్నారు. ప్రత్యేక ప్రదర్శనలు వేయించుకుని మరీ ఐమ్యాక్స్ థియేటర్లలో ఆర్ఆర్ఆర్ సినిమాను ఆనందిస్తున్నారు.
అదే మాదిరిగా ఇండియాలోనూ చేయబోతున్నట్లు సమాచారం. అది కూడా ఆస్కార్ అవార్డుల ప్రదానోత్సవం కంటే ముందుగానే ఆర్ఆర్ఆర్ ను థియేటర్లలోకి తీసుకురావలని ప్రయత్నం చేస్తున్నారట.
అంతర్జాతీయ స్థాయిలో అందరి ప్రశంసలు అందుకుని ఆస్కార్ కు అడుగు దూరంలో ఉన్న ఆర్ఆర్ఆర్ చిత్రాన్ని అందరికీ అందుబాటులో తేవాలన్న ఉద్దేశ్యంతో ఈ సినిమాను థియేటర్లలోకి తీసుకువస్తున్నారట.
ఈ నిర్ణయం నిజమే అయితే ఆర్ఆర్ఆర్ అభిమానులే కాదు భారతీయ సినిమా అభిమానులు అందరూ సంతోషిస్తారని సోషల్ మీడియాలో నెటిజన్స్ కామెంట్స్ పెడుతున్నారు. మరేం జరుగుతుందో చూడాలి.