అమెరికాలో భారీ ఎత్తున రిలీజ్ అవుతున్న స్కంద, ఎన్ని లొకేషన్లో తెలిస్తే ఆశ్చర్యపోవాల్సిందే
రామ్ పోతినేని, శ్రీలీల హీరో హీరోయిన్లుగా బోయపాటి శ్రీను దర్శకత్వంలో రూపొందిన చిత్రం స్కంద. రామ్ పోతినేని కెరీర్లో మొట్టమొదటి పాన్ ఇండియా చిత్రంగా విడుదల కాబోతున్న ఈ సినిమా ట్రైలర్ కు ప్రేక్షకుల నుండి భారీ స్పందన వచ్చింది. యూట్యూబ్ లో స్కంద సినిమా ట్రైలర్ కు 50మిలియన్లకు పైగా వ్యూస్ వచ్చాయి. ట్రైలర్లో రామ్ పోతినేని ఊర మాస్ అవతారంలో కనిపించాడు. ట్రైలర్ ఇచ్చిన ఉత్సాహంతో ఈ సినిమాపై అంచనాలు బాగా పెరిగిపోయాయి. ఇటు ఇండియాలోనే కాదు అమెరికాలో సైతం ఈ సినిమాపై అంచనాలు విపరీతంగా ఉన్నాయి. అందుకు నిదర్శనంగా స్కంద విడుదల లొకేషన్ల సంఖ్య నిలుస్తుంది.
350కి పైగా లొకేషన్లలో స్కంద
అమెరికా మొత్తంలో 350కి పైగా లొకేషన్లలో స్కంద రిలీజ్ అవుతుందని మేకర్స్ ప్రకటించారు. ఈ మేరకు తమ సోషల్ మీడియా ఖాతాలో వెల్లడి చేసారు. స్కంద సినిమాను శ్రీనివాస సిల్వర్ స్క్రీన్ బ్యానర్ పై శ్రీనివాస చిట్టూరి నిర్మిస్తున్నారు. థమన్ సంగీతం అందిస్తున్న ఈ సినిమా, సెప్టెంబర్ 28వ తేదీన ప్రపంచవ్యాప్తంగా విడుదలవుతుంది. నిజానికి ఈ సినిమా సెప్టెంబర్ 15వ తేదీన విడుదల కావాల్సింది. కానీ సెప్టెంబర్ 28వ తేదీ నుండి ప్రభాస్ హీరోగా నటిస్తున్న సలార్ సినిమా తప్పుకోవడంతో సెప్టెంబర్ 28వ తేదీని లాక్ చేసుకుంది.
