టైగర్ నాగేశ్వర్ రావు టీజర్ విడుదల: బందిపోటు దొంగపాత్రలో రవితేజ ఎలా ఉన్నాడో చూసారా?
ఈ వార్తాకథనం ఏంటి
మాస్ మహారాజా రవితేజ కెరీర్లో మొట్టమొదటి పాన్ ఇండియా మూవీగా రూపొందుతున్న చిత్రం టైగర్ నాగేశ్వర్ రావు. ఇదివరకు ఈ సినిమా నుండి చిన్నపాటి గ్లింప్స్ రిలీజ్ అయింది.
తాజాగా మేకర్స్ టైగర్ దండయాత్ర పేరుతో టీజర్ ని రిలీజ్ చేశారు.
ఒక నిమిషం 22 సెకండ్ల నిడివిగల ఈ టీజర్ వీడియోలో, బందిపోటు దొంగ టైగర్ నాగేశ్వరరావు మద్రాస్ సెంట్రల్ జైలు నుంచి తప్పించుకోవడం, ఆ తర్వాత అతన్ని పట్టుకోవడానికి స్పెషల్ ఆఫీసర్ రావడం మొదలైన విషయాలను చూపించారు.
ఈ టీజర్ ద్వారా రవితేజ పాత్ర ఎలా ఉండబోతుందో చూపించారు. కాకపోతే రవితేజ గెటప్ ఎలా ఉంటుందనేది సరిగ్గా చూపించలేదు.
Details
చివరి షాట్ లో కనిపించిన రవితేజ
టీజర్ చివరి షాట్ లో బ్రిడ్జి మీద నుండి వెళ్తున్న రైలు మీద రవితేజ పాత్ర దూకే షాట్ లో రవితేజ గెటప్ పూర్తిగా కనిపిస్తుంది. టీజర్ మొత్తంలో ఆ షాట్ హైలైట్ అని చెప్పవచ్చు.
రవితేజ అభిమానులకు టీజర్ ఎంతో ఉత్సాహం ఇచ్చినప్పటికీ రవితేజ గెటప్ ని పూర్తిగా రివీల్ చేసే షాట్ ఒక్కటే ఉండడం కొంత నిరాశ కలిగించిందని చెప్పాలి.
అభిషేక్ అగర్వాల్ ఆర్ట్స్ బ్యానర్ లో రూపొందుతున్న ఈ సినిమాను వంశీ తెరకెక్కిస్తున్నాడు. జీవీ ప్రకాష్ కుమార్ సంగీతం అందిస్తున్నారు.
ఈ సినిమాలో నుపుర్ సనన్, గాయత్రి భరద్వాజ్, రేణు దేశాయ్ నటిస్తున్నారు. దసరా సందర్భంగా అక్టోబర్ 20న తెలుగు, తమిళం, హిందీ, కన్నడ, మలయాళం భాషల్లో రిలీజవుతుంది