RC16 నుంచి అదిరిపోయే అప్డేట్ ఇచ్చిన దర్శకుడు బుచ్చిబాబు.. మ్యూజిక్ తో బ్లాస్ట్.. అంటూ..
రామ్ చరణ్ పుట్టినరోజు వేడుకలను మెగా ఫ్యాన్స్ చాలా గ్రాండ్ గా చేశారు. ఈ సందర్బంగా ఓ ఈవెంట్ ను ఏర్పాటు చేశారు. ఈ ఈవెంట్ కు RC16 దర్శకుడు బుచ్చిబాబు సన, మైత్రి నిర్మాతలు, దిల్ రాజు, డైరక్టర్ బాబీ, మంచు మనోజ్ హాజరయ్యారు. ఈ సందర్బంగా డైరెక్టర్ బుచ్చిబాబు రామ్ చరణ్ RC16 నుంచి అదిరిపోయే అప్డేట్స్ ను ఇచ్చారు. ఇప్పటికే, ఈ సినిమాలోని మూడు పాటలు కంప్లిట్ అయ్యాయని.. రెహమాన్ సార్ అద్భుతంగా మ్యూజిక్ అందించారని తెలిపారు. అందులో మొదటి పాటతో బ్లాస్టింగ్ అయిపోతుంది అంటూ అంచనాలు పెంచేశాడు. దర్శకుడు బుచ్చిబాబు ఇచ్చిన అప్డేట్ తో RC16 సినిమా పై భారీగా అంచనాలను పెరిగాయి.
భారీ వ్యూస్ తో దూసుకెళుతున్న 'జరగండి' సాంగ్
ప్రస్తుతం గేమ్ చేంజర్ సినిమాను త్వరగా పూర్తి చేసి, తర్వాత సినిమాలను పట్టాలెక్కించాలని రామ్ చరణ్ చూస్తున్నాడు. నిన్న చరణ్ పుట్టినరోజు సందర్బంగా గేమ్ ఛేంజర్ సినిమా నుండి రిలీజ్ అయిన 'జరగండి' సాంగ్ యూట్యూబ్ లో భారీ వ్యూస్ తో దూసుకుపోతుంది. RC16లో రామ్ చరణ్ సరనస జాన్వీ కపూర్ హీరోయిన్ గా నటిస్తోంది. శివ రాజ్ కుమార్, విజయ్ సేతుపతి కీలక పాత్రలలో నటిస్తున్నారు. ఏఆర్ రెహమాన్ సంగీతం అందిస్తున్నారు. స్పోర్ట్స్ బ్యాక్‌ డ్రాప్ తో ఈ సినిమా తెరకెక్కబోతోంది. ఈ సినిమాను వ్రిద్ది సినిమాస్, మైత్రీ మూవీ మేకర్స్, సుకుమార్ రైటింగ్స్ సంస్థలు సంయుక్తంగా నిర్మిస్తున్నాయి.
