Thota Tharani: ప్రముఖ కళా దర్శకుడు తోట తరణికి అంతర్జాతీయ గుర్తింపు

వ్రాసిన వారు Jayachandra Akuri

Nov 12, 2025

12:41 pm

ఈ వార్తాకథనం ఏంటి

ప్రఖ్యాత కళా దర్శకుడు తోట తరణి (Thota Tharani)కు ఫ్రాన్స్‌ ప్రభుత్వ అత్యున్నత గౌరవం 'చెవాలియర్‌' (Chevalier Award) లభించింది. చెన్నైలోని ఫ్రెంచ్‌ కాన్సులేట్‌లో రేపు ఈ ప్రతిష్ఠాత్మక పురస్కారాన్ని ఆయనకు ప్రదానం చేయనున్నారు. ఈ సందర్భంగా తమిళనాడు ముఖ్యమంత్రి ఎం.కే. స్టాలిన్ తోట తరణిని అభినందించారు. సినిమా రంగంలో తన అద్భుతమైన కళా సృష్టులతో అంతర్జాతీయ స్థాయిలో గుర్తింపు తెచ్చుకున్న తరణి, ఫ్రెంచ్‌ ప్రభుత్వ పురస్కారాన్ని అందుకోవడం ద్వారా మరోసారి భారత సినీ ప్రపంచానికి గౌరవాన్ని తెచ్చారు.