Thalapathy vijay : 'జననాయగన్' ఆలస్యంపై విజయ్ తండ్రి కీలక వ్యాఖ్యలు
ఈ వార్తాకథనం ఏంటి
హీరో విజయ్ చివరి సినిమా 'జననాయగన్' విడుదలలో ఏర్పడిన ఆలస్యంపై ఆయన తండ్రి ఎస్.ఏ. చంద్రశేఖర్ ఆసక్తికరమైన వ్యాఖ్యలు చేశారు. ప్రముఖ నటుడు, టీవీకే పార్టీ నాయకుడు విజయ్ తండ్రిగా ఉన్న చంద్రశేఖర్ ఇటీవల ఇచ్చిన ఒక ఇంటర్వ్యూలో మాట్లాడుతూ, ఈ చిత్రానికి అడ్డంకులు ఎదురయ్యే అవకాశాన్ని విజయ్ ముందుగానే ఊహించాడని వెల్లడించారు. సెన్సార్ సర్టిఫికేట్ ఆలస్యం కావడం గానీ, సినిమా లీక్ అవ్వడం గానీ తమకు పెద్దగా ఆందోళన కలిగించలేదని ఆయన స్పష్టం చేశారు. ఎందుకంటే ఇలాంటి సమస్యలు ఎదురవుతాయని ముందే అంచనా వేసినట్లు తెలిపారు. సినిమా ఎటువంటి ఇబ్బందులు లేకుండా సజావుగా విడుదలై ఉంటేనే ఆశ్చర్యపోయేవాళ్లమని కూడా చెప్పారు.
వివరాలు
ముందు నుంచే ఆ సమస్యలకు సిద్ధం..
విజయ్ రాజకీయాల్లోకి ప్రవేశించే సమయంలో, ఈ ప్రాజెక్ట్పై సంతకం చేసే ముందు నిర్మాతతో స్పష్టంగా మాట్లాడినట్లు చంద్రశేఖర్ వెల్లడించారు. "నేను రాజకీయాల్లోకి అడుగుపెడుతున్నాను. ఈ పరిస్థితుల్లో మన సినిమా సమస్యలు ఎదుర్కొనే అవకాశం ఉంది. మీరు వాటిని ఎదుర్కొనేందుకు సిద్ధంగా ఉన్నారా?" అని విజయ్ ముందుగానే నిర్మాతను ప్రశ్నించాడని చెప్పారు. రాజకీయ రంగంలోకి వస్తున్నందున ఇబ్బందులు తప్పవని విజయ్కు స్పష్టంగా తెలుసని ఆయన అన్నారు. అంతేకాక, రాజకీయ ప్రత్యర్థుల కారణంగానే సినిమా లీక్ జరిగి ఉండవచ్చని అభిప్రాయం వ్యక్తం చేశారు. చివరగా, విజయ్ తన కుటుంబం కంటే ప్రజల పట్ల ఎక్కువ బాధ్యతతో ఉంటారని, అవసరమైతే ప్రజల కోసమే తన ఓటును వినియోగిస్తారని చంద్రశేఖర్ పేర్కొన్నారు.