Salaar Collection: సలార్ కలెక్షన్లు రూ.500 కోట్లు.. ప్రభాస్ స్టామినా అంటే ఇదే!
యంగ్ రెబల్ స్టార్ ప్రభాస్(Prabhas) నటించిన 'సలార్'(Salaar) బాక్సాఫీస్ వద్ద రికార్డులు సృష్టిస్తోంది. సలార్ మూవీతో ప్రభాస్ మరోసారి తన స్టామినా ఏంటో చూపించాడు. రిలీజైన మొదటి రోజే వరల్డ్ వైడ్ ఏకంగా రూ.178.7 కోట్ల గ్రాస్ అందుకొని సరికొత్త రికార్డును క్రియేట్ చేసింది. తాజాగా ఆరు రోజుకు ప్రపంచ వ్యాప్తంగా రూ.500 కోట్లు కలెక్షన్లు వచ్చినట్లు చిత్ర బృందం ప్రకటించింది. బాక్సాఫీస్ రికార్డులను దేవా రిపీర్ చేస్తున్నాడని క్యాప్షన్ ను చిత్ర బృందం రాసుకొచ్చింది. దీంతో ప్రభాస్ అభిమానులు సంతోషం వ్యక్తం చేశారు.
ఓవర్సీలో సలార్ వెనుకంజ
సలార్ ఆరు రోజుల్లో నైజాంలో రూ. 2.41 కోట్లు, సీడెడ్‌లో రూ. 66 లక్షలు, ఉత్తరాంధ్రలో రూ. 39 లక్షలు, ఈస్ట్ గోదావరిలో రూ. 21 లక్షలు, వెస్ట్ గోదావరిలో రూ. 21 లక్షలు, గుంటూరులో రూ. 18 లక్షలు, కృష్ణాలో రూ. 19 లక్షలు, నెల్లూరులో రూ. 11 లక్షలతో.. రూ. 4.35 కోట్లు షేర్, రూ. 7.15 కోట్లు గ్రాస్ వసూలైంది. ఇండియాలో సలార్ బాక్సాఫీస్‌ను షేక్ చేస్తుంటే ఓవర్సీస్ లో మాత్రం షారుక్ ఖాన్ డంకీ పైచేయి సాధించింది. సలార్ కు ఐదు రోజుల్లో 98 కోట్లు వస్తే.. డంకీ రూ. 100 కోట్ల మార్క్‌ను దాటేసింది.
