రేపు విడుదల కానున్న సామజవరగమన ఫస్ట్ లుక్
నటుడు శ్రీ విష్ణు గత చిత్రం అల్లూరి బాక్సాఫీస్ వద్ద డిజాస్టర్‌గా నిలిచింది. ఇప్పుడు సామజవరగమన అనే కొత్త సినిమాతో ప్రేక్షకుల ముందుకు రాబోతున్నాడు. వివాహ భోజనంబు ఫేమ్ రామ్ అబ్బరాజు ఈ చిత్రానికి దర్శకత్వం వహిస్తున్నారు. ఈ చిత్రానికి సంబంధించిన ఫస్ట్ లుక్ రేపు ఉదయం 10:08 గంటలకు విడుదల చేయనున్నట్లు సినిమా మేకర్స్ అధికారికంగా ప్రకటించారు. ఇదే విషయాన్ని తెలియజేసేందుకు కొత్త పోస్టర్‌ను కూడా విడుదల చేశారు. ఈ చిత్రంలో బిగిల్ ఫేమ్ రెబా మోనికా జాన్ కథానాయికగా నటిస్తుంది, ఇందులో వెన్నెల కిషోర్, నరేష్, శ్రీకాంత్ అయ్యంగార్ ముఖ్యమైన పాత్రల్లో నటిస్తున్నారు. ఎకె ఎంటర్‌టైన్‌మెంట్స్‌తో కలిసి హాస్య మూవీస్ బ్యానర్‌పై రాజేష్ దండా ఈ చిత్రాన్ని నిర్మిస్తున్నారు.
