న్యూయార్క్ నగర వీధుల్లో సమంత: ఫోటోలు వైరల్
సినిమా షూటింగులకు సెలవు చెప్పేసి ప్రపంచాన్ని చుట్టేసే పనిలో పడిపోయారు సమంత. ప్రస్తుతం శాకుంతలం హీరోయిన్ అమెరికాలో ఉన్నారు. అమెరికాలోని న్యూయార్క్ లో భారతీయులు జరిపిన స్వాతంత్ర్య దినోత్సవ పరేడ్ లో సమంత పాల్గొన్నారు. అంతేకాదు అక్కడ తన స్నేహితులతో కలిసి రెస్టారెంటుకు వెళ్ళారు. స్టాచ్యూ ఆఫ్ లిబర్టీ, న్యూయార్క్ లోని ఎత్తయిన బిల్డింగులు చూస్తూ న్యూయార్క్ వీధుల్లో సమంత పర్యటిస్తున్నారు. అమెరికా వెళ్ళిన తర్వాత కూడా జిమ్ లో బరువులు ఎత్తుతూ ఆరోగ్యాన్ని ఫిట్ గా ఉంచుకున్నారు సమంత. ప్రస్తుతం న్యూయార్క్ లో సమంత పర్యటిస్తున్న ఫోటోలు ఇంటర్నెట్ లో వైరల్ గా మారాయి. అదలా ఉంచితే సమంత, విజయ్ దేవరకొండ నటించిన ఖుషి చిత్రం సెప్టెంబర్ 1న విడుదలవుతుంది.
