అఫీషియల్: 'డబుల్ ఇస్మార్ట్'కోసం బిగ్ బుల్ వచ్చేశాడు!
రామ్ పోతినేని,పూరి జగన్నాధ్ కాంబోలో వచ్చిన ఇస్మార్ట్ శంకర్ ఎంతటి బ్లాక్ బస్టర్ హిట్ అయ్యిందో అందరికి తెలిసిందే . ఈ సినిమాకి ముందు దాకా లవర్ బాయ్ లా కనిపించిన రామ్ ఈ సినిమాతో పూర్తిగా మాస్ గా మారిపోయాడు. ఇస్మార్ట్ శంకర్ భారీ విజయం సాధించిన తరువాత ఇటీవల పూరి ఈ సినిమాకి సీక్వెల్ అనౌన్స్ చేసి డబల్ ఇస్మార్ట్ అనే టైటిల్ కూడా ప్రకటించారు. ప్రస్తుతం ఈ సినిమా షూటింగ్ ముంబైలో జరుగుతుంది. డబల్ ఇస్మార్ట్ సినిమాని 8 మార్చ్ 2024లో రిలీజ్ చేస్తామని పూరి ప్రకటించాడు.
పవర్ఫుల్ లుక్కులో బాలీవుడ్ స్టార్ నటుడు సంజయ్ దత్
డబల్ ఇస్మార్ట్ సినిమా నుంచి బిగ్ బుల్ అనే క్యారెక్టర్ ని ప్రకటించారు చిత్ర యూనిట్. ఈ పాత్రలో బాలీవుడ్ స్టార్ నటుడు సంజయ్ దత్ నటిస్తున్నారు. ఇవాళ సంజయ్ దత్ పుట్టిన రోజు కావడంతో బర్త్ డే విషెస్ చెప్తూ పోస్టర్ కూడా రిలీజ్ చేశారు. సూటు .. చెవి రింగ్ .. పచ్చబొట్టుతో ఈ పోస్టర్ లో సంజయ్ దత్ చాలా స్టైలీష్ గా కనిపిస్తున్నాడు. ఆయనను గన్స్ తో కొంతమంది టార్గెట్ చేసినట్టుగా అందుకు సంబంధించిన లేజర్ పాయింట్స్ ఆయన శరీరంపై కనిపిస్తున్నాయి. అయినా ఆయన చాలా కూల్ గా ఖరీదైన చుట్ట కాలుస్తూ కనిపిస్తున్నాడు. ఈ రోల్ పై అందరిలో ఆసక్తిని పెంచుతున్నాడు.
