Latest: సారా అర్జున్ తెలుగులో నటిస్తున్న మూవీకి .. ఇంట్రెస్టింగ్ టైటిల్
సితార ఎంటర్‌టైన్‌మెంట్స్ నిర్మిస్తున్న సినిమాలో సారా అర్జున్ నటిస్తున్న సంగతి తెలిసిందే. ఈ సినిమాకి మేజిక్ అనే టైటిల్ ను ఖరారు చేశారు. రాజేంద్ర ప్రసాద్‌తో కలిసి దాగుడుమూత దండాకోర్‌లో చైల్డ్ ఆర్టిస్ట్‌గా ఆమె అద్భుతంగా నటించింది. నాన్న,పొన్నియన్ సెల్వన్ 1, 2 పాత్రలలో ఆమె నటనకు విమర్శకుల నుండి ప్రశంసలు పొందారు. ఇపుడు, సారా అర్జున్ తెలుగులో కథానాయికగా అరంగేట్రం చేస్తోంది.
తెలుగు,తమిళ భాషల్లో సినిమా రిలీజ్
నలుగురు యువకులు తమ రాబోయే కాలేజీ ఫెస్ట్ కోసం ఒక ఒరిజినల్ పాటను కంపోజ్ చేసుకుంటారు. ఈ చిత్రంలో ప్రతి ఒక్కరు ఏదో ఒక సమయంలో ఎవరితో ఒకరితో ఏదో చోట కనెక్ట్ అవుతూనే ఉంటారు. గౌతమ్ తిన్ననూరి దర్శకత్వంలో తెరకెక్కుతున్న ఈ చిత్రానికి ప్రముఖ అనిరుధ్ రవిచందర్ సంగీతం అందించనున్నాడు. గిరీష్ గంగాధరన్ సినిమాటోగ్రఫీని, అవినాష్ కొల్లా ప్రొడక్షన్ డిజైన్‌ను, నవీన్ నూలి ఎడిటర్‌గానూ, నీరజ కోన కాస్ట్యూమ్ డిజైనర్‌గానూ పనిచేశారు. ఈ వెంచర్‌కు ఫార్చ్యూన్ ఫోర్ సినిమాని సమర్పిస్తోంది. ఈ వేసవిలో తెలుగు,తమిళ భాషల్లో ఈ సినిమాను రిలీజ్ చేయనున్నట్లు మేకర్స్ వెల్లడించనున్నారు.
