రాముడిలా కాదు కర్ణుడిలా ఉన్నాడు: ఆదిపురుష్ సినిమాలో ప్రభాస్ లుక్ పై సీరియల్ నటి కామెంట్స్
ఆదిపురుష్ టీజర్ రిలీజైనప్పుడు ప్రభాస్ లుక్ పై అనేక విమర్శలు వచ్చాయి. రాముడికి మీసాలు ఉండటమేమిటని ఎంతోమంది అన్నారు. టీజర్ లో కనిపించిన గ్రాఫిక్స్ సరిగా లేకపోవడం కూడా ఇలాంటి విమర్శలను మరింత పెంచింది. ఇటీవల రిలీజైన ట్రైలర్లు నెగెటివిటీని పోగొట్టేసి పాజిటివిటీని, అంచనాలను పెంచేసాయి. అయినా కూడా ప్రభాస్ లుక్ పై విమర్శలు వస్తున్నాయి. తాజాగా ప్రముఖ నటి కస్తూరి, ఆదిపురుష్ లో ప్రభాస్ లుక్ పై విమర్శలు చేసారు. రాముడికి మీసాలతో చూపించడం వల్ల కర్ణుడిలా ప్రభాస్ కనిపిస్తున్నారని ఆమె అన్నారు. తెలుగు ఇండస్ట్రీలో ఎంతోమంది హీరోలు రాముడి పాత్రలో కనిపించారనీ, ప్రభాస్ మాత్రం మీసాల కారణంగా కర్ణుడిలా కనిపిస్తున్నారని అన్నారు.
మండిపడుతున్న ప్రభాస్ అభిమానులు
కసూరి వ్యాఖ్యలపై ప్రభాస్ అభిమానులు విరుచుకుపడుతునారు. మరికొందరేమో కస్తూరి చెప్పింది కరెక్టేనని ఆమెకు మద్దతు తెలుపుతున్నారు. రిలీజ్ కు దగ్గర పడుతున్న సమయంలో ఇలాంటి విమర్శలు రావడం అభిమానులను కలవర పెడుతోంది. అదలా ఉంచితే, ఆదిపురుష్ చిత్ర అనుభూతిని అందరూ ఆస్వాదించాలన్న లక్ష్యంతో తెలంగాణ ప్రాంతంలో ఆదిపురుష్ రిలీజ్ లో భాగస్వామ్యం తీసుకున్న అభిషేక్ అగర్వాల్ ఆర్ట్స్ సంస్థ అద్భుతమైన నిర్ణయాన్ని తీసుకుంది. ప్రభుత్వ పాఠశాల విద్యార్థులు, అనాథ శరణాలయలు, వృద్ధాశ్రమాల్లో ఉండే వారికి ఉచితంగా పదివేల టికెట్లను ఇస్తామని అభిషేక్ అగర్వాల్ ఆర్ట్స్ ప్రకటించింది. ఇదే కోవలో రామ్ చరణ్,బాలీవుడ్ నటుడు రణ్ బీర్ కపూర్ కూడా పదివేల టికెట్లను ఫ్రీగా ఇచ్చేందుకు రెడీ అవుతున్నారని టాక్.
