Shakeela : నేను క్యాస్టింగ్ కౌచ్ బారిన పడ్డా.. షకీలా సంచలన వ్యాఖ్యలు
మళయాల తార షకీలా అంటే తెలుగులోనూ ఫేమస్. తెలుగులోనూ చాలా క్రేజ్ సంపాదించుకున్నారు. ఈ మధ్యే ఆమె బయోపిక్ కూడా అభిమానుల ముందుకు వచ్చేసింది. షకీలా జీవితం తెరిచిన పుస్తకం లాంటిది. అయితే, అందులోనూ కొన్ని చీకటి కోణాలున్నాయని, సందర్భాన్ని బట్టి వాటిని ఆమె బయటపెడుతూ వస్తున్నారు. బిగ్ బాస్ తెలుగు సీజన్ 7లో కంటెస్టెంట్'గా వచ్చిన షకీలా హౌస్'లోనూ కీలక విషయాలపై మాట్లాడింది. ఇక హోస్ నుంచి బయటకు వచ్చాక చేదు అనుభవాలను పంచుకున్నారు షకీలా. సినిమా అవకాశాల కోసం వెళ్తే ఎంతో మంది తనను కమిట్'మెంట్ అడిగారన్నారు. తాజాగా మరో ఇంటర్వ్యూలో పాల్గొన్న షకీలా టాలీవుడ్ స్టార్ డైరెక్టర్ తనను రూమ్'కు రమ్మన్నాడని బహిర్గతం చేసింది.
రూమ్'కు వస్తావా,మరో సినిమా ఛాన్స్ ఇస్తానన్నారు : షకీలా
ఈమధ్యే తమిళ బిగ్ బాస్'లో నటి విచిత్ర,ఒక టాప్ తెలుగు హీరో తనను గదికి రమ్మని పిలిచాడని సంచలన వ్యాఖ్యలు చేశారు.తాను వెళ్లకపోయేసరికి మరునాడు నుంచే టార్చర్ చూపించాడని చెప్పి భావోద్వేగానికి గురైంది. ఇక అల్లరి నరేష్ తండ్రి, దివంగత డైరెక్టర్ ఈవీవీ సత్యనారాయణ తనను అడ్జెస్ట్ మెంట్ అడిగాడన్నారు. విచిత్ర నా స్నేహితురాలు, ఆమె బయటకు చెప్పడం బాగుంది కానీ ఇండస్ట్రీ వదిలేందుకు కారణమైన ఆ హీరో పేరు చెప్తే ఇంకా బాగుండేదన్నారు. నేను కూడా కమిట్ మెంట్స్ ఎదుర్కొన్నాను.ఈవీవీతో కలిసి ఓ సినిమా చేశాను.రూమ్'కు వస్తావా,మరో సినిమా ఛాన్స్ ఇస్తానన్నారు. నేను వెంటనే, సర్ ఈ సినిమాకు నాకు డబ్బులిచ్చేశారు. వేరే సినిమా అవసరం లేదని చెప్పానవి షకీలా అన్నారు.
