నాని పోగొట్టుకున్నాడు, శర్వానంద్ పట్టేసుకున్నాడు: ఏకంగా పాన్ ఇండియా మూవీలో ఛాన్స్?
సూపర్ స్టార్ రజనీకాంత్ బాలీవుడ్ బాద్ షా అమితాబ్ బచ్చన్ కలిసి పాన్ ఇండియా మూవీలో నటించబోతున్నారని గతంలో వార్తలు వచ్చాయి. టీజే జ్ఞానవేల్ దర్శకత్వంలో ఈ సినిమా ఉండబోతుందని అన్నారు. ఈ సినిమాలో ఒకానొక పాత్రలో టాలీవుడ్ హీరో శర్వానంద్ కనిపించబోతున్నాడని అంటున్నారు. సమాజంలోని సున్నితమైన అంశాలను తీసుకుని కమర్షియల్ రేంజ్ లో ఈ సినిమాను తెరకెక్కించబోతున్నారట. అయితే ఈ సినిమాలో ముందుగా నాని నటించనున్నాడని ప్రచారం జరిగింది. నిజానికి ఈ ఆఫర్ నానికి మొదటగా వచ్చిందని చెబుతున్నారు. కానీ పాత్రలో నెగటివ్ షేడ్స్ ఉండడంతో ఆ ఆఫర్ ని నాని తిరస్కరించినట్లు సమాచారం. దాంతో మేకర్స్ శర్వానంద్ ని సంప్రదించారని టాక్.
శర్వానంద్ ఒప్పుకున్నట్లు వార్తలు
శర్వానంద్ కి కథ బాగా నచ్చిందని, ఆల్మోస్ట్ అతను ఒప్పేసుకున్నాడని వినిపిస్తోంది. శర్వానంద్ కి తమిళ సినిమాల్లో చేసిన అనుభవం కూడా ఉంది. అందువల్లే ఈ సినిమాలో నటించడానికి ఒప్పుకున్నాడని అంటున్నారు ఇదే నిజమైతే శర్వానంద్ కి మంచి ఆఫర్ లభించినట్టే. మరి ఈ విషయమై అధికారిక సమాచారం ఎప్పుడు వస్తుందో చూడాలి. అదలా ఉంచితే, రజనీకాంత్ నటించిన జైలర్ సినిమా ఇటీవల విడుదలై బాక్సాఫీస్ వద్ద కలెక్షన్ల సునామీ సృష్టిస్తోంది. ఇప్పటివరకు జైలర్ సినిమాకు 400 కోట్లకు పైగా వసూళ్లు వచ్చాయని టాక్ వినిపిస్తోంది. జైలర్ సినిమాను నెల్సన్ దిలీప్ కుమార్ తెరకెక్కించారు. తమన్నా, రమ్యకృష్ణ, శివరాజ్ కుమార్, మోహన్ లాల్ కీలకపాత్రల్లో నటించారు.
