Tillu Square: 'టిల్లు స్క్వేర్' ఐదో రోజుల్లో ఎంత కలెక్ట్ చేసిందంటే..!
సిద్దు జొన్నలగడ్డ, అనుపమ పరమేశ్వరన్ నటించిన మూవీ 'టిల్లు స్క్వేర్'.డీజే టిల్లుకు సీక్వెల్ గా వచ్చిన ఈ సినిమాకి మల్లిక్ రామ్ దర్శకత్వం వహించారు. ఇప్పుడు ఈ సినిమా బాక్స్ ఆఫీస్ వద్ద దూసుకుపోతోంది.శుక్రవారం విడుదలైన ఈ సినిమా ఐదు రోజులలోనే ప్రపంచవ్యాప్తంగా రూ.85 కోట్ల గ్రాస్ కలెక్షన్స్ రాబట్టిందని మేకర్స్ 'X' వేదికగా ప్రకటించారు. దీంతో ఇంకొక్క రోజులో ఈమూవీ రూ.100కోట్లు రాబడుతుందని సినీ వర్గాలు చెబుతున్నాయి. ఇక ఈ సినిమాకు మూడో పార్ట్ కూడా రానుంది. సితార ఎంటర్ టైన్మెంట్స్,ఫార్చ్యూన్ ఫోర్ సినిమాస్ బ్యానర్ లపై సూర్య దేవర నాగ వంశీ,సాయి సౌజన్య లు సంయుక్తంగా ఈ చిత్రాన్నీ నిర్మించారు. 5రోజుల్లో ఏపీ,తెలంగాణలో ఈచిత్రం రూ.2.80కోట్లు షేర్ వసూలు చేసింది.
