Silk Smitha: సిల్క్ స్మితా ది క్వీన్ ఆఫ్ ది సౌత్ నుండి గ్లింప్స్ రిలీజ్
సౌత్ ఇండియా సినిమా ప్రేమికులకు సిల్క్ స్మితా (Silk Smitha) పేరును పరిచయం చేయడం అవసరం లేదు. 1980లలో అగ్ర హీరోలతో కలిసి నటించి, తన అందాలతో సినిమా పరిశ్రమలో అనేక సినిమాలతో ఒక ఊపు ఊపింది. ఆమె కైపెక్కించే కళ్ళు, ఆకర్షణీయమైన అందంతో అభిమానుల హృదయాలను దోచేసింది. సిల్క్ స్మితా ఉన్న సినిమాకు బాక్సాఫీస్ వద్ద బంపర్ కలెక్షన్లు రావడం ఖాయం. ఇప్పుడు సిల్క్ స్మితా జీవితం ఆధారంగా మరో బయోపిక్ చిత్రం రూపొందుతుండటం అందరికీ తెలిసిందే. బాలీవుడ్‌లో "ది డర్టీ పిక్చర్" సినిమాతో బ్లాక్‌బస్టర్ హిట్ సాధించిన సంగతి తెలిసిందే, ఇప్పుడు సౌత్ ఇండస్ట్రీ నుంచి కూడా సిల్క్ స్మితా జీవితం ఆధారంగా మరో సినిమా రాబోతుంది.
సిల్క్ స్మితా పాత్రలో చంద్రికా రవి
"సిల్క్ స్మితా: ది క్వీన్ ఆఫ్ ది సౌత్"అనే పేరుతో తెరకెక్కుతున్న ఈసినిమాకు చంద్రికా రవి సిల్క్ స్మితా పాత్రలో నటించనున్నారు. ఈ చిత్రంతో జయరామ్ అనే కొత్త దర్శకుడు దర్శకుడిగా పరిచయమవుతున్నారు. ఇక,నేడు సిల్క్ స్మితా జయంతి సందర్భంగా ఈ చిత్రంతో సంబంధించిన కొన్ని గ్లింప్స్‌ను విడుదల చేశారు. వీటిని చూసినప్పుడు 80లలో సిల్క్ స్మితా తన నైపుణ్యంతో ఎంత పెద్ద హిట్ అయ్యిందో స్పష్టంగా తెలియజేస్తుంది. Former Prime Minister Indira Gandhi కూడా సిల్క్ స్మిత గురించి అడిగి తెలుసుకుంది. దీని ద్వారా ఆమెపై ప్రభావం ఎంత తీవ్రంగా ఉన్నదో అర్థం అవుతుంది. ఈ చిత్రం వచ్చే ఏడాది తెలుగుతో పాటు తమిళ,మలయాళ,కన్నడ,హిందీ భాషలలో ప్రేక్షకుల ముందుకు రానుంది.
