Single Movie OTT Release: ఓటీటీలోకి వచ్చిన 'సింగిల్‌'.. స్ట్రీమింగ్ ఎక్కడంటే..?
ఈ వార్తాకథనం ఏంటి
శ్రీవిష్ణు ప్రధాన పాత్రలో నటించిన తాజా చిత్రం '#సింగిల్‌'. ఇందులో కేతిక శర్మ, ఇవానా కథానాయికలుగా నటించారు. ఈ చిత్రానికి దర్శకత్వం వహించినది కార్తీక్ రాజు. హాస్యం, ప్రేమకథతో కూడిన ఈ ఎంటర్‌టైనర్‌ వేసవిలో మే నెలలో ప్రేక్షకుల ముందుకు వచ్చి, ప్రారంభం నుంచి ముగింపు వరకూ నవ్వులు పంచింది. ఇప్పుడు ఈ సినిమా నిశ్శబ్దంగా ఓటీటీ ప్లాట్‌ఫారమ్‌లోకి వచ్చింది. ప్రస్తుతం ఈ చిత్రం అమెజాన్‌ ప్రైమ్‌ వీడియోలో స్ట్రీమింగ్ అవుతోంది.
వివరాలు
కథ సమీక్ష:
విజయ్‌ (శ్రీవిష్ణు) అనే యువకుడు ఎస్‌డీఎఫ్‌ బ్యాంక్‌లో ఇన్స్యూరెన్స్‌ విభాగంలో ఉద్యోగం చేస్తుంటాడు. అదే బ్యాంకులో పనిచేస్తున్న అతని స్నేహితుడు అరవింద్‌ (వెన్నెల కిషోర్‌) ఒక యువతిని ప్రేమించి, ఆమెను పెళ్లి చేసుకోవాలన్న ఆశతో ఉంటాడు. ఈ నేపథ్యంలో అతడికి సహాయం చేస్తూ విజయ్‌ ఒక రోజు మెట్రోలో పూర్వ (కేతిక శర్మ) అనే యువతిని చూసి ఆమెపై మనసు పెడతాడు. కార్ల షోరూంలో పనిచేసే పూర్వను తన ప్రేమలో పడేయాలనే లక్ష్యంతో విజయ్‌ ఓ ప్రణాళిక వేస్తాడు. కానీ.. అది బెడిసి కొడుతుంది.
వివరాలు
కథ సమీక్ష:
ఈ క్రమంలోనే హరిణి (ఇవానా) అనే డ్యాన్సర్‌ విజయ్‌ జీవితంలో ప్రవేశిస్తుంది. ఒకవైపు విజయ్‌ తన ప్రేమను పూర్వకు తెలియజేసేందుకు ప్రయత్నిస్తుండగా, మరోవైపు హరిణి మాత్రం విజయ్‌ను ప్రేమిస్తూ అతని చుట్టూ తిరుగుతుంది. ఈ మూడుకోణాల ప్రేమకథ ఎలా మలుపులు తిరిగింది? చివరకు పూర్వను విజయ్‌ తన ప్రేమలోకి తీసుకువచ్చాడా? లేదా హరిణే విజయ్‌ను గెలుచుకున్నదా? లేక అనూహ్యంగా మరో మలుపు ఈ కథలో ఉన్నదా? అన్నదే మిగిలిన కథాంశం.
ట్విట్టర్ పోస్ట్ చేయండి
ఓటీటీలోకి వచ్చిన 'సింగిల్‌'.. స్ట్రీమింగ్ ఎక్కడంటే..?
#Single Streaming on Amazon Prime Video♥️
— #SINGLE Caarthick Raju (@caarthickraju) June 5, 2025
Happy to see the movie going well on the 5th Weekend also ❤️
Grateful to everyone for your love and support 💐 pic.twitter.com/U6WDRW1vuj