టాలీవుడ్ లో శ్రీలీల జపం: ప్రభాస్ సినిమాలో నటించే అవకాశం?
శ్రీలీల.. ప్రస్తుతం టాలీవుడ్ లో అత్యంత బిజీగా ఉన్న హీరోయిన్. పెళ్లి సందD సినిమాతో హీరోయిన్ గా ఎంట్రీ ఇచ్చి తక్కువ కాలంలోనే స్టార్ డమ్ దక్కించుకున్న భామ. ధమాకా సినిమాతో బ్లాక్ బస్టర్ అందుకొని వరుసగా అవకాశాలు అందిపుచ్చుకుంటూ బిజీగా మారిపోయింది. ప్రస్తుతం శ్రీలీల ఖాతాలో.. పవన్ కళ్యాణ్ నటిస్తున్న ఉస్తాద్ భగత్ సింగ్, మహేష్ బాబు గుంటూరు కారం, రామ్ పోతినేని స్కంద, బాలయ్య భగవంత్ కేసరి, నితిన్ ఎక్స్ ట్రా ఆర్డినరీ ఉన్నాయి. చిన్న హీరోల నుండి పెద్ద హీరోల వరకు అందరితోనూ శ్రీలీల నటించేస్తోంది. తాజాగా ప్రభాస్ సినిమాలోనూ శ్రీలీలకు ఛాన్స్ వచ్చిందని సమాచారం.
హను రాఘవపూడి దర్శకత్వంలో ప్రభాస్ సినిమా?
సీతారామం సినిమాతో బ్లాక్ బస్టర్ అందుకున్న దర్శకుడు హను రాఘవపూడి, ప్రభాస్ తో సినిమా చేసే పనిలో ఉన్నాడని టాక్. ఆల్రెడీ ప్రభాస్ కి కథ వినిపించాడని తెలుస్తోంది. ఈ సినిమాలో హీరోయిన్ గా శ్రీలీలను తీసుకోవాలని భావిస్తున్నారట. ప్రస్తుతానికి ఈ విషయమై ఎలాంటి అధికారిక సమాచారం రాలేదు. కానీ సోషల్ మీడియాలో విపరీతంగా వైరల్ అవుతోంది. ఒకవేళ ఇది నిజమే అయితే సూపర్ స్టార్లందరితో కలిసి నటించిన లేటెస్ట్ హీరోయిన్ గా శ్రీలీల నిలుస్తుంది. ఇక ప్రభాస్ సినిమా విషయాలకు వస్తే, సలార్ సినిమా మరికొద్ది రోజుల్లో విడుదల కాబోతుంది. ఆ తర్వాత కల్కి 2898 AD వస్తోంది.
