కోటబొమ్మాళి పీఎస్ మొదటి పాట: శ్రీకాకుళం యాసలో ఆసక్తి రేపుతున్న పాట
మలయాళంలో మంచి విజయం అందుకున్న నాయట్టు సినిమాను తెలుగులో శ్రీకాంత్ హీరోగా కోటబొమ్మాళి పీఎస్ టైటిల్ తో దర్శకుడు తేజ మర్ని తెరకెక్కిస్తున్నారు. తాజాగా ఈ సినిమా నుండి మొదటి పాటను రిలీజ్ చేసారు. లింగి లింగి లింగిడి అంటూ శ్రీకాకుళం యాసలో సాగే ఈ పాటను హీరోయిన్ శ్రీలీల చేత విడుదల చేయించారు. పాట మొత్తం శ్రీకాకుళం యాసలో ఉంది. రేలారే రేలా ఫేమ్ పి రఘు సాహిత్యం అందించి తానే పాడారు. మిధున్ ముకుందన్ సంగీతం అందించారు. ఈ సినిమాలో శ్రీకాంత్ హీరోగా కనిపిస్తుంటే, రాహుల్ విజయ్, శివానీ రాజశేఖర్ ఇతర ప్రధాన పాత్రల్లో కనిపిస్తున్నారు.
గీతా ఆర్ట్స్ 2 నిర్మాణంలో కోటబొమ్మాళి పీఎస్
మలయాళం నాయట్టు సినిమా హక్కులను అల్లు అరవింద్ చాలా రోజుల క్రితమే కొనుక్కున్నారు. ముందుగా ఈ సినిమాను తెలుగు అనువాదం చేసి ఆహాలో విడుదల చేయాలని అనుకున్నారు. అనేక కారణాల వల్ల ఈ సినిమాను రీమేక్ చేద్దామని డిసైడ్ అయ్యారు. హత్య కేసులో ఇరుక్కున్న పోలీసు అధికారులు, దాన్నుండి బయటపడటానికి ఏం చేసారనేది నాయట్టు సినిమాలో ఆసక్తికరంగా చూపించారు. ప్రస్తుతం కోటబొమ్మాళి పీఎస్ సినిమాను గీతా ఆర్ట్స్ 2 బ్యానర్ పై బన్నీవాసు నిర్మిస్తున్నారు.
