పెదకాపు 1 టీజర్: ఊరి రాజకీయాలతో ఆసక్తి రేపుతున్న శ్రీకాంత్ అడ్డాల
ఈ వార్తాకథనం ఏంటి
కొత్త బంగారు లోకం, సీతమ్మ వాకిట్లో సిరిమల్లె చెట్టు చిత్రాల దర్శకుడు శ్రీకాంత్ అడ్డాల, పెదకాపు-1 అనే చిత్రంతో ప్రేక్షకుల ముందుకు వస్తున్నాడు. ప్రస్తుతం పెదకాపు-1 టీజర్ రిలీజ్ అయ్యింది.
సీనియర్ ఎన్టీఆర్ రాజకీయ ప్రసంగంతో మొదలైన టీజర్, ఆద్యంతం ఆసక్తిగా సాగింది. ఒక ఊర్లో ఇద్దరు రాజకీయ నాయకుల మధ్య ఉండే పగ, కుళ్ళు, కుతంత్రాల గురించి ఈ సినిమాలో చూపించినట్లుగా తెలుస్తోంది.
ఆ పగ, ప్రతీకారాలు అణగారిన వర్గాలను ఏ విధంగా ఇబ్బందికి గురిచేసాయో చూపిస్తున్నట్టుగా టీజర్ లో కనిపిస్తోంది. చూస్తుంటే మంచి సీరియస్ సబ్జెక్టుతో శ్రీకాంత్ అడ్డాల వస్తున్నట్లుగా అర్థమవుతోంది.
Details
ఆకట్టుకునే నేపథ్య సంగీతం
మిక్కీ జే మేయర్ అందించిన నేపథ్య సంగీతం, టీజర్‌కు తగినట్టుగా ఉంది. బ్యాగ్రౌండ్ స్కోర్ మరో లెవెల్లో ఉండబోతుందని టీజర్ ద్వారా తెలుస్తోంది.
పెదకాపు-1 సినిమాతో విరాట్ కర్ణ, తెలుగు సినిమా పరిశ్రమకు పరిచయం అవుతున్నాడు. ప్రగతి శ్రీవాస్తవ, రావు రమేష్, తనికెళ్ళ భరణి, నాగబాబు, ఈశ్వరి రావు, అనసూయ ప్రధాన పాత్రల్లో కనిపిస్తున్నారు.
అఖండ సినిమాతో నిర్మాతగా మారిన మిర్యాల రవీందర్ రెడ్డి, ద్వారకా క్రియేషన్స్ బ్యానర్ లో పెదకాపు-1 సినిమాను నిర్మిస్తున్నాడు. ఈ సినిమాను ఆగస్టు 18న ప్రేక్షకుల ముందుకు తీసుకొస్తున్నట్లుగా వెల్లడి చేసారు.
ఇంటెన్స్ పీరియాడికల్ డ్రామాతో వస్తున్న శ్రీకాంత్ అడ్డాల ఎలాంటి ఫలితాన్ని అందుకుంటాడో చూడాలి.