G.O.A.T గ్లింప్స్: లుంగీ కట్టుకుని మాస్ లుక్ లో సుడిగాలి సుధీర్
ఈ వార్తాకథనం ఏంటి
టెలివిజన్ షో జబర్దస్త్ ద్వారా ప్రేక్షకులకు పరిచయమైన సుధీర్, సుడిగాలి సుధీర్ గా ఎంతో పేరు తెచ్చుకున్నాడు. ప్రస్తుతం జబర్దస్త్ కు పూర్తిగా దూరమై సినిమా హీరోగా సెటిలైపోయాడు.
సుడిగాలి సుధీర్ నటించిన గాలోడు చిత్రం మంచి సక్సెస్ అందుకుంది. ప్రస్తుతం సుడిగాలి సుధీర్ నుండి మరో సినిమా రాబోతుంది. G.O.A.T (Greatest of all time) అనే టైటిల్ తో వస్తున్న ఈ సినిమా నుండి తాజాగా గ్లింప్స్ విడుదలైంది.
ఈ గ్లింప్స్ వీడియోలో సుడిగాలి సుధీర్, లుంగీ కట్టుకుని, సిగరెట్ తాగుతూ మాస్ లుక్ లో కనిపించాడు. చూస్తుంటే మంచి మాస్ ఎంటర్ టైనర్ గా రూపొందుతుందని అర్థమవుతోంది.
Details
నరేష్ కుప్పిలి దర్శకత్వంలో రూపొందుతున్న సినిమా
దివ్య భారతి హీరోయిన్ గా కనిపిస్తున్న ఈ సినిమాలో అజయ్ ఘోష్, తాగుబోతు రమేష్, చమ్మక్ చంద్ర, ముత్తా రాజన్ నటిస్తున్నారు. లియో జేమ్స్ సంగీతం అందిస్తున్న ఈ సినిమాను నరేష్ కుప్పిలి డైరెక్ట్ చేస్తున్నారు.
మహాతేజ్ బ్యానర్ పై రూపొందుతున్న ఈ సినిమాకు మొగుళ్ళ చంద్రశేఖర్ రెడ్డి నిర్మాతగా ఉన్నారు. సహ నిర్మాతగా రవీందర్ రెడ్డి ఎన్ ఉన్నారు.
ఈ సినిమాకు కథ, మాటలు ఫణి కృష్ణ అందించగా, కెమెరా బాధ్యతలను బాలాజీ సుబ్రమణ్యం చూసుకుంటున్నారు. ఎడిటింగ్ బాధ్యతలను విజయ్ వర్ధన్ నిర్వర్తిస్తుండగా, పాటలకు సాహిత్యాన్ని చంద్రబోస్, కాసర్ల శ్యామ్ అందిస్తున్నారు.