#Suriya42: సూర్య సినిమాకు ప్రచారంలో ఉన్న క్రేజీ టైటిల్
తమిళ స్టార్ సూర్య, డైరెక్టర్ శివ కాంబినేషన్లో వస్తున్న సినిమాపై భారీ అంచనాలు ఉన్నాయి. సూర్య కెరీర్లో 42వ చిత్రంగా తెరకెక్కుతున్న ఈ సినిమా పది భాషల్లో త్రీడీలో రిలీజ్ అవుతుంది. బాహుబలిని తలదన్నే సినిమాగా రూపుదిద్దుకుంటుందంటూ ఇంతకు ముందు వార్తలు వచ్చాయి. తాజాగా ఈ సినిమా నుండి సరికొత్త అప్డేట్ వచ్చింది. స్టూడియో గ్రీన్, యువీ క్రియేషన్స్ సంయుక్తంగా నిర్మిస్తున్న ఈ భారీ సినిమా టైటిల్ ని, రిలీజ్ డేట్ ని ఏప్రిల్ 16వ తేదీన ప్రకటించనున్నారట. ఈ మేరకు గురువారం సాయంత్రం తమ అధికారిక సోషల్ హ్యాండిల్ ద్వారా వెల్లడి చేశారు. అయితే ఈ సినిమాకు అగ్నీశ్వరన్ అనే టైటిల్ కన్ఫర్మ్ అయిందంటూ పుకార్లు పుట్టుకొస్తున్నాయి.