జూనియర్ ఎన్టీఆర్ తో బాలీవుడ్ బర్ఫీ రీమేక్ అంటున్న మిల్కీ బ్యూటీ
ఈ వార్తాకథనం ఏంటి
మిల్కీ బ్యూటీ తమన్నా భాటియా, ఈ మధ్య గుర్తుందా శీతాకాలం సినిమాతో ప్రేక్షకులను పలకరించింది. సత్యదేవ్ హీరోగా కనిపించిన ఈ సినిమా, ప్రేక్షకులను పెద్దగా ఆకట్టుకోలేకపోయింది.
ప్రస్తుతం రజనీకాంత్ హీరోగా చేస్తున్న జైలర్ మూవీలో కనిపిస్తుంది. అలాగే మెహెర్ రమేష్ దర్శకత్వంలో మెగాస్టార్ చిరంజీవి నటిస్తున్న భోళాశంకర్ లో కూడా కనిపించనుంది.
తాజాగా ఒకానొక ఇంటర్వ్యూలో మాట్లాడిన తమన్నా, జూనియర్ ఎన్టీఆర్ యాక్టింగ్ గురించి చెప్పుకొచ్చింది. తాను నటించిన తెలుగు హీరోలతో ఏదైనా బాలీవుడ్ మూవీ రీమేక్ చేయాలనుకుంటే ఎవరితో నటిస్తారని తమన్నాను అడిగారు.
ఆ ప్రశ్నకు తమన్నా సమాధానమిస్తూ, జూనియర్ ఎన్టీఆర్ తో బాలీవుడ్ మూవీ బర్ఫీ రీమేక్ లో నటించాలనుందని తెలియజేసింది.
ఎన్టీఆర్
ఎన్టీఆర్ పై పొగడ్తలు కురిపించిన తమన్నా
బర్ఫీ లాంటి సినిమాను ఎన్టీఆర్ చేస్తే బాగుంటుందనీ, ఎప్పుడూ చేసే మాస్ సినిమాలకు భిన్నంగా ఉంటుందనీ, ఎలాంటి జోనర్ లోనైనా సినిమాలు చేసే సత్తా ఎన్టీఆర్ కి ఉందని తమన్నా మాట్లాడింది.
ఎన్టీఆర్, తమన్నా జంటగా ఊసరవెల్లి సినిమాలో నటించారు. 2010లో రిలీజైన ఊసరవెల్లి సినిమాకు సురేందర్ రెడ్డి దర్శకత్వం వహించారు.
తమన్నా మాటలపై సోషల్ మీడీయాలో స్పందించిన నెటిజన్లు, ఎన్టీఆర్ నిజంగా బర్ఫీ లాంటి సినిమా చేస్తే బాగుంటుందని తమ అభిప్రాయాలను తెలియజేస్తున్నారు.
ఆర్ఆర్ఆర్ సినిమాతో ప్రపంచవ్యాప్తంగా అద్భుత విజయం అందుకున్న ఎన్టీఆర్, ప్రస్తుతం కొరటాల దర్శకత్వం తన 30వ సినిమాను మొదలుపెట్టాడు. ఇంకా షూటింగ్ ప్రారంభం కానీ ఈ సినిమాను, 2024 ఏప్రిల్ 5వ తేదీన రిలీజ్ చేయాలని అనుకుంటున్నారు.