బిగ్ బాస్ 7 సీజన్ ని ఆసక్తిగా మార్చడానికి స్టార్ మా ప్రయత్నం: కంటెస్టెంట్ గా షకీలా?
ఈ వార్తాకథనం ఏంటి
తెలుగు టెలివిజన్ ప్రేక్షకులను గత ఆరు సీజన్లుగా ఎంతగానో అలరిస్తున్న బిగ్ బాస్ రియాల్టీ షో మరికొద్ది రోజుల్లో ఏడవ సీజన్ తో ప్రేక్షకుల ముందుకు రానుంది.
నాగార్జున వ్యాఖ్యాతగా వ్యవహరిస్తున్న ఈ ఏడవ సీజన్, సెప్టెంబర్ 3వ తేదీ నుండి ప్రారంభం కానుందని అంటున్నారు.
బిగ్ బాస్ ప్రారంభానికి ఇంకా సమయం ఉండగానే ఆ సీజన్లో కంటెస్టెంట్లుగా ఎవరెవరు వస్తున్నారనే విషయంలో అనేక వార్తలు సోషల్ మీడియాలో చక్కర్లు కొడుతున్నాయి.
తాజా సమాచారం ప్రకారం ఒకప్పటి శృంగార తార షకీలా, బిగ్ బాస్ 7వ సీజన్ లో కంటెస్టెంట్ గా రాబోతుందని వినిపిస్తోంది.
Details
మలయాళం సినిమాల్లో వెలుగు వెలిగిన షకీలా
అప్పట్లో మలయాళం సినిమాల్లో షకీలా నటించింది. ఆమె నటించిన చాలా చిత్రాలు ఇతర భాషల్లోకి అనువాదం అయ్యేవి. శృంగార తారగా ఒక వెలుగు వెలిగిన షకీలా కొన్ని రోజుల తర్వాత ఆ సినిమాలు చేయడం మానేసింది.
ప్రస్తుతం క్యారెక్టర్ ఆర్టిస్ట్ గా అప్పుడప్పుడు తెలుగు సినిమాల్లో కనిపిస్తోంది. మరి షకీలా కంటెస్టెంట్ గా వస్తుందన్న వార్త నిజమా కాదా అనేది తెలియాలంటే బిగ్ బాస్ 7 సీజన్ మొదలయ్యే వరకు వేచి చూడాల్సిందే.
అదలా ఉంచితే, బిగ్ బాస్ 7 సీజన్ లో టాలీవుడ్ నటి సురేఖ వాణి ఆమె కూతురు సుప్రీత కూడా కంటెస్టెంట్లుగా రాబోతున్నారని సమాచారం.