తెలుగు సినిమా: ఈ వారం రిలీజ్ అవుతున్న సినిమాలు ఇవే
ఈ వార్తాకథనం ఏంటి
ప్రతీ వారం కొత్త కంటెంట్ తో ఓటీటీ ప్రేక్షకులను అలరించడానికి ఛానెల్స్ అన్నీ సిద్ధంగా ఉన్నాయి. ఈవారం ఓటీటీలో ఆసక్తికరమైన సినిమాలు, సిరీస్ లు రిలీజ్ అవుతున్నాయి. అవేంటో ఇక్కడ తెలుసుకుందాం.
సామజవరగమన:
శ్రీవిష్ణు, రెబా మోనికా జాన్ హీరో హీరోయిన్లుగా నటించిన ఈ చిత్రం, థియేటర్ల వద్ద బ్లాక్ బస్టర్ గా నిలిచింది. రామ్ అబ్బరాజు దర్శకత్వం వహించిన ఈ సినిమా, జులై 28నుండి ఆహాలో అందుబాటులో ఉంటుంది.
స్పై:
నిఖిల్ సిద్ధార్థ్ హీరోగా స్వాతంత్ర్య సమరయోధుడు సుభాష్ చంద్రబోస్ మరణ రహస్యంపై వచ్చిన ఈ సినిమా అమెజాన్ ప్రైమ్ వీడియోలో ఈరోజు నుండి స్ట్రీమింగ్ అవుతోంది.
Details
కీర్తి సురేష్ నటించిన నాయకుడు మూవీ ఓటీటీలోకి
నాయకుడు:
మామన్నాన్ పేరుతో తమిళంలో రిలీజై పాజిటివ్ టాక్ తెచ్చుకున్న ఈ సినిమా, నాయకుడు పేరుతో తెలుగులోనూ విడుదలైంది. తెలుగు అనువాదానికి థియేటర్లలో పాజిటివ్ రెస్పాన్స్ వచ్చింది.
మారి సెల్వరాజ్ దర్శకత్వం వహించిన ఈ సినిమాలో ఉదయనిధి స్టాలిన్, కీర్తి సురేష్, వడివేలు ప్రధాన పాత్రల్లో నటించారు.
ప్రస్తుతం ఈ సినిమా, నెట్ ఫ్లిక్స్ లో అందుబాటులో ఉంది.
రెజీనా(తమిళం):
సునైనా, నివాస్ అదితన్, రీతూ మంత్ర ప్రధాన పాత్రల్లో రూపొందిన ఈ సినిమాను డామిన్ డిసిల్వ తెరకెక్కించారు. థ్రిల్లర్ జోనర్ లో రూపొందిన ఈ సినిమా, నెట్ ఫ్లిక్స్ వేదికగా స్ట్రీమింగ్ అవుతోంది.