Dhandoraa : ఎన్టీఆర్ ట్వీట్ ప్రభావం.. అమెజాన్ ప్రైమ్లో దూసుకెళ్తున్న 'దండోరా'
ఈ వార్తాకథనం ఏంటి
రవీంద్ర బెనర్జీ ముప్పనేని నిర్మాతగా, మురళి కాంత్ దర్శకత్వంలో తెరకెక్కిన చిత్రం 'దండోరా'. శివాజీ, నవదీప్, నందు, బిందు మాధవి ప్రధాన పాత్రల్లో నటించిన ఈ సినిమా థియేటర్లలో ఆశించిన స్థాయిలో విజయం సాధించలేకపోయింది. అనేక సినిమాల మధ్య పోటీగా విడుదల కావడంతో ఓ మోస్తరు కలెక్షన్లకే పరిమితమైంది. అయితే తాజాగా ఈ చిత్రం అమెజాన్ ప్రైమ్ వీడియోలో ఓటీటీ స్ట్రీమింగ్కు వచ్చింది. ఇదిలా ఉండగా యంగ్ టైగర్ జూనియర్ ఎన్టీఆర్ తాజాగా 'దండోరా' సినిమాను వీక్షించి, సోషల్ మీడియా వేదిక ఎక్స్ (ట్విట్టర్)లో చిత్ర బృందాన్ని అభినందిస్తూ ట్వీట్ చేయడం విశేషంగా మారింది. ఎన్టీఆర్ ప్రశంసలతో సినిమా యూనిట్ ఆనందంతో ఉబ్బితబ్బిబవుతోంది.
Details
టాప్ 2లో ట్రెండ్
ఎన్టీఆర్ ట్వీట్కు స్పందించిన దర్శకుడు మురళి కాంత్, ఎన్టీఆర్ అన్న మీరు నా సినిమా చూసారు, నా పేరు పలికారు.. ఇది చాలు అన్న. షివరింగ్ అవుతున్న అన్న అంటూ భావోద్వేగానికి లోనయ్యారు. అదే విధంగా నిర్మాత రవీంద్ర బెనర్జీ కూడా అన్న ఫ్యాన్ బాయ్ మూమెంట్ ఇది. ఇదే మాకు అసలైన విజయం అన్న అంటూ తన ఆనందాన్ని వ్యక్తం చేశారు. మరోవైపు ఎన్టీఆర్ వంటి స్టార్ హీరో చిన్న సినిమాను ప్రత్యేకంగా ప్రశంసిస్తూ ట్వీట్ చేయడం ప్రేక్షకుల్లో 'దండోరా'పై ఆసక్తిని మరింత పెంచింది. ఎన్టీఆర్ ట్వీట్ ప్రభావంతో ఈ సినిమా అమెజాన్ ప్రైమ్ వీడియోలో ట్రెండింగ్లోకి దూసుకెళ్లింది. ప్రస్తుతం భారతదేశంలో టాప్-2 స్థానంలో ట్రెండ్ అవుతూ విశేషమైన స్పందనను అందుకుంటోంది.