This Week Telugu Movies: ఈ వారం థియేటర్, ఓటీటీలో రిలీజయ్యే సినిమాలివే!
ఈ వార్తాకథనం ఏంటి
అశోక చక్రవర్తి దగ్గర తొమ్మిది దైవ గ్రంథాలు ఉండేవని ప్రాచీన పురాణాల్లో చెప్పబడుతుంది. ఆ గ్రంథాలతో మానవాళికి ఏ సమస్య అయినా పరిష్కారం సాధ్యమని, వాటిని సొంతం చేసుకోవడానికి హిట్లర్ ప్రయత్నించాడనే ప్రచారం ఉన్నప్పటికీ, చారిత్రక ఆధారాలు లేవు. అలాంటి విలువైన జ్ఞాన గ్రంథాలు దుష్ట వ్యక్తి చేతిలో పడితే ఏం జరుగుతుందో, మన ఇతిహాసాల సాయంతో ఆ వ్యక్తిని ఆపగలమా అనే అంశాల మీద ఆధారపడి రూపొందిన సినిమా 'మిరాయ్‌'. యువ దర్శకుడు కార్తీక్ ఘట్టమనేని దర్శకత్వంలో, తేజ సజ్జా, మంచు మనోజ్ కీలక పాత్రల్లో నటించారు. సినిమా సెప్టెంబర్ 12న పాన్‌ఇండియా స్థాయిలో రిలీజ్ కానుంది. ఇప్పటికే విడుదలైన ట్రైలర్, ప్రచార చిత్రాలు సినిమాపై ఆసక్తిని మరింత పెంచాయి.
Details
సెప్టెంబర్ 12న కిష్కింధపురి రిలీజ్
ప్రేక్షకులను థియేటర్‌కి రప్పించే కథను లక్ష్యంగా పెట్టిన 'కిష్కింధపురి' కూడా అదనపు థ్రిల్‌ని పంచేలా రూపొందింది. బెల్లంకొండ సాయిశ్రీనివాస్‌ కథానాయకుడిగా నటించగా, కౌశిక్ పెగల్లపాటి దర్శకత్వం వహించారు. అనుపమ పరమేశ్వరన్ కథానాయికగా, సాహు గారపాటి నిర్మాణంలో ఈ చిత్రం సెప్టెంబర్ 12న ప్రేక్షకుల ముందుకు రానుంది. విడుదలైన టీజర్, ట్రైలర్ ప్రకారం, వైవిధ్యభరితమైన కథతో థ్రిల్‌ కంటెంట్‌ అందించేలా ఉంది.
Details
క్రైమ్ సస్పెన్స్ థ్రిల్లర్‌ జాబితాలో 'టన్నెల్'
క్రైమ్ సస్పెన్స్ థ్రిల్లర్‌ జానర్‌లో అథర్వ మురళీ హీరోగా తెరకెక్కుతున్న 'టన్నెల్' కూడా ఈనెల 12న థియేటర్లలోకి రానుంది. రవీంద్ర మాధవన్ దర్శకత్వం వహించిన ఈ సినిమాలో లావణ్య త్రిపాఠి కథానాయికగా, అశ్విన్ కాకుమాను ప్రతినాయకుడిగా నటిస్తున్నాడు. ఇటీవల విడుదలైన ట్రైలర్‌లో అథర్వ చెప్పిన "ఈ యూనిఫామ్‌ వేసుకున్న ప్రతిఒక్కడికి అందరూ ఫ్యామిలీనే రా" డైలాగ్‌తో యాక్షన్ సన్నివేశాలు ప్రేక్షకుల్లో ఆసక్తి రేకెత్తించేలా ఉన్నాయి. తెలుగులో సినిమాను ఎ.రాజు నాయక్ విడుదల చేస్తున్నారు.
Details
ఇక ఈ వారం ఓటీటీలో ప్రసారం కానున్న ప్రధాన సినిమాలు/సిరీస్‌లు
నెట్‌ఫ్లిక్స్‌ సైయారా (హిందీ) - సెప్టెంబరు 12 అమెజాన్ ప్రైమ్ ది గర్ల్‌ఫ్రెండ్‌ (వెబ్‌సిరీస్) - సెప్టెంబరు 10 కూలీ (తమిళ/తెలుగు) - సెప్టెంబరు 11 డూ యువన్నా పార్ట్‌నర్‌ (హిందీ) - సెప్టెంబరు 12 జియో హాట్‌స్టార్‌ రాబో ఇన్‌ లవ్‌ (తెలుగు సిరీస్) - సెప్టెంబరు 12