K-ramp : కె-ర్యాంప్ టైటిల్ వెనుక ఉన్న నిజమైన అర్థమిదే!
ఈ వార్తాకథనం ఏంటి
యంగ్ హీరో కిరణ్ అబ్బవరం ప్రధాన పాత్రలో నటించిన తాజా చిత్రం 'కె-ర్యాంప్' దీపావళి సందర్భంగా, అక్టోబర్ 18న థియేటర్లలో విడుదలకు సిద్ధమవుతోంది. ఈ సినిమాలోని టైటిల్, ట్రైలర్ పై సోషల్ మీడియాలో జరుగుతున్న చర్చలపై దర్శకుడు జైన్స్ నాని స్పష్టతనిచ్చారు. 'కె-ర్యాంప్' అనే టైటిల్‌ను తక్కువగా అర్థం చేసుకోవద్దని, ఇది కథానాయకుడు కుమార్ జీవితంలో ఎదురయ్యే కొన్ని ఇబ్బందులను సూచించేందుకు మాత్రమే ఉపయోగించబడిందని తెలిపారు. 'ర్యాంప్' పదం కథానాయకుడి పాత్రకు, కథా నేపథ్యానికి సరిగ్గా సరిపోతుందని, ప్రేక్షకుల్లో వేగంగా చేరుతుందని ఆయన పేర్కొన్నారు. డైలాగ్‌లు, ట్రైలర్ పై వచ్చిన విమర్శలకు జవాబుగా, దర్శకుడు చెప్పడం ప్రకారం, సినిమా మొదట యువతను ఆకర్షించడం కోసం ట్రైలర్ కట్ చేశామన్నారు.
Details
47 రోజుల్లో చిత్రీకరణ పూర్తి
యువ ప్రేాక్షకులు ఇష్టపడితే వారి కుటుంబ సభ్యులు కూడా థియేటర్లకు వస్తారని అన్నారు. ఫ్యామిలీ ఫ్రెండ్లీ సినిమాగా ఉండటంతో పాటు, బలమైన కథా రేఖ, ఆకట్టుకునే సన్నివేశాలు ఉంటాయని, ముఖ్యంగా ఇంటర్వెల్ బ్లాక్ ప్రేక్షకులను ఆశ్చర్యపరుస్తుందని తెలిపారు. హీరో కిరణ్ అబ్బవరంతో తన అనుభవాలను జైన్ నాని వివరించారు. ఏడాదిన్నర పాటు కలిసి పని చేయగా, కిరణ్ బాడీ లాంగ్వేజ్‌కు అనుగుణంగా స్క్రిప్ట్‌లో మార్పులు చేసుకున్నారంటూ, ఆయన ఎక్కడా జోక్యం చేయలేదని, కేవలం సూచనలు మాత్రమే ఇచ్చారని తెలిపారు. మొత్తం చిత్రీకరణ 47 రోజుల్లో పూర్తి చేయబడింది.