టైగర్ నాగేశ్వరరావు: ఏక్ దమ్ అంటూ మొదటి పాట రిలీజ్ పై అప్డేట్ ఇచ్చేసారు
మాస్ మహారాజా రవితేజ నటిస్తున్న మొట్టమొదటి పాన్ ఇండియా చిత్రం టైగర్ నాగేశ్వర్ రావు. నుపుర్ సనన్, గాయత్రి భరద్వాజ్ హీరోయిన్లుగా కనిపిస్తున్న ఈ చిత్రం నుండి తాజాగా అప్డేట్ వచ్చింది. టైగర్ నాగేశ్వర్ రావు సినిమాలోని మొదటి పాటను సెప్టెంబర్ 5వ తేదీన విడుదల చేస్తున్నట్లు మేకర్స్ తెలియజేశారు. ఈ మేరకు ఒక పోస్టర్ ని రిలీజ్ చేశారు. ఈ పోస్టర్ లో రవితేజ, నుపుర్ సనన్ కనిపిస్తున్నారు. ఈ పోస్టర్ చూస్తుంటే టైగర్ నాగేశ్వర్ రావు నుండి మంచి మాస్ నెంబర్ రిలీజ్ కాబోతుందని అర్థమవుతుంది. అభిషేక్ అగర్వాల్ ఆర్ట్స్ బ్యానర్లో రూపొందుతున్న ఈ సినిమాను దర్శకుడు వంశీ తెరకెక్కిస్తున్నారు.
