Tollywood : టాలీవుడ్ లెక్కలన్నీ తీస్తా.. సినిమాటోగ్రఫీ మంత్రి కోమటిరెడ్డితో సినీపెద్దల భేటీ
ఈ వార్తాకథనం ఏంటి
తెలంగాణలో కొత్త ప్రభుత్వం కొలువుదీరింది. ఈ మేరకు సినిమాటోగ్రఫీ శాఖ మంత్రిగా కోమటిరెడ్డి వెంకట్ రెడ్డి బాధ్యతలు స్వీకరించారు.
ఈ నేపథ్యంలోనే టాలీవుడ్ సినీ ప్రముఖులు తొలిసారిగా మంత్రి కోమటిరెడ్డిని కలిశారు.
ఇదే సమయంలో తెలంగాణ కొత్త సినిమాటోగ్రఫీ మంత్రిగా కోమటిరెడ్డి వెంకట్ రెడ్డి బాధ్యతలు తీసుకున్నారు.
మంత్రిగా పదవి చేపట్టాక టాలీవుడ్ నుంచి తనకి ఎలాంటి అభినందనలు రాలేదని ఆయన అసహనం వ్యక్తం చేశారు.
నిర్మాత దిల్ రాజు మాత్రమే అభినందనలు తెలిపారని, మిగిలిన సినీ ప్రముఖులు తనని విష్ చేయలేదని ఆగ్రహం వ్యక్తం చేశారు.
"టాలీవుడ్ లెక్కలనీ త్వరలోనే తెలుస్తా" అని ప్రెస్ మీట్'లోనే అసహనం వ్యక్తం చేశారు. దీంతో మంత్రి వ్యాఖ్యలు పరిశ్రమలో బాగా వైరల్ అయ్యాయి.
details
మంత్రితో సినీ పరిశ్రమ సమస్యలపై చర్చించిన నిర్మాతలు
ఈ మేరకు తాజాగా టాలీవుడ్' ప్రముఖులు మంత్రి కోమటిరెడ్డిని కలుసుకుని అభినందనలు తెలియజేశారు.
ఫిల్మ్ ఛాంబర్ ఆఫ్ కామర్స్ ప్రెసిడెంట్, ప్రముఖ నిర్మాత దిల్ రాజ్ ఆధ్వర్యంలో పలువురు ముఖ్య నిర్మాతలు, నటులు, దర్శకుల బృందం కోమటిరెడ్డిని కలిసి సన్మానించింది.
సమావేశంలో రాఘవేంద్రరావు, సి కళ్యాణ్, సురేష్ బాబు, నట్టి కుమార్ తదితరులు పాల్గొన్నారు.
అయితే తొలి భేటీలో భాగంగా సినీ పరిశ్రమకి సంబంధించిన పలు సమస్యలను కొత్త మంత్రి కోమటిరెడ్డితో చర్చకు వచ్చినట్లు తెలుస్తుంది.
ప్రస్తుతానికి నిర్మాతలు వచ్చి మంత్రిని కలిసిన నేపథ్యంలో తదుపరి ఇండస్ట్రీలోని అగ్రహీరోలు చిరంజీవి, నాగార్జున, బాలయ్య, వెంకటేష్ లాంటి వాళ్లు సినిమా శాఖ మంత్రిని కలుస్తారో లేదోనని పరిశ్రమలో చర్చ జరుగుతోంది.