టాలీవుడ్ కు స్పెషల్ గా నిలవబోతున్న 2023: పెరిగిన పాన్ ఇండియా సినిమాల లిస్ట్
తెలుగు సినిమా పరిశ్రమకు 2023లో మంచి స్టార్ట్ దొరికింది. ఇప్పటివరకు తెలుగు బాక్సాఫీసు వద్ద చిన్న, పెద్ద చిత్రాలు మంచి వసూళ్ళు అందుకున్నాయి. అయితే రానున్న రోజుల్లో మరిన్ని విభిన్న చిత్రాలు థియేటర్లలోకి వస్తున్నాయి. పాన్ ఇండియా చిత్రాలు దుమ్ము దులిపేందుకు రెడీ అవుతున్నాయి. దసరా: నాని నటించిన దసరా చిత్రం ప్రేక్షకుల ముందుకు వచ్చేసింది. తెలుగులో ఈ చిత్రానికి విపరీతమైన వసూళ్ళు వస్తున్నాయి. పాన్ ఇండియా రేంజ్ లో విడుదలైన ఈ చిత్రానికి ఇతర భాషల్లో వసూళ్ళు నామ మాత్రంగానే ఉన్నాయి. శాకుంతలం: సమంత నటించిన ఈ చిత్రం, ఏప్రిల్ 14వ తేదీన పాన్ ఇండియా రేంజ్ లో, త్రీడీలో రిలీజ్ అవుతుంది. ఈ సినిమా మంచి అంచనాలు ఉన్నాయి.
పాన్ ఇండియా రేస్ లో ప్రభాస్ ముందంజ
విరూపాక్ష: సాయి ధరమ్ తేజ్ హీరోగా వస్తున్న విరూపాక్ష చిత్రం, ఏప్రిల్ 21వ తేదీన ప్రపంచ వ్యాప్తంగా రిలీజ్ అయ్యేందుకు సిద్ధంగా ఉంది. సంయుక్తా మీనన్ ఇందులో హీరోయిన్ గా నటించింది. ఆదిపురుష్: ప్రభాస్ నుండి వస్తున్న ఆదిపురుష్ చిత్రం జూన్ 16న రిలీజ్ అవుతుంది. భారీ బడ్జెట్ తో రూపొందిన ఈ మూవీ, బాక్సాఫీసు వద్ద ఎలాంటి సంచలనం సృష్టించనుందో అని అందరూ వెయిట్ చేస్తున్నారు. సలార్: ప్రశాంత్ నీల్ దర్శకత్వం వహిస్తున్న ఈ సినిమా సెప్టెంబర్ 28న రిలీజ్ అవుతుంది. టైగర్ నాగేశ్వర్ రావు: రవితేజ కెరీర్లో మొదటిసారిగా పాన్ ఇండియా రేంజ్ లో వస్తున్న చిత్రం. భారీస్థాయిలో రూపొందుతున్న ఈ సినిమా, అక్టోబర్ 20వ తేదీన రిలీజ్ అవుతుంది.
