ఉత్తరాఖండ్ పర్యటనకు వెళ్తున్నారా? కనతల్ ప్రాంతంలో ఉండే ఈ ప్రదేశాలను ఖచ్చితంగా సందర్శించండి
ఈ వార్తాకథనం ఏంటి
ఉత్తరాఖండ్ రాష్టంలో పర్యాటక ప్రదేశాలు చాలా ఉన్నాయి. అందులో అందమైన పర్యాటక ప్రాంతంగా చెప్పుకోదగ్గ వాటిల్లో కనతల్ ఒకటి. కనువిందు చేసే హిమాలయాలు, ప్రశాంతమైన వాతావరణం మిమ్మల్ని అబ్బురపరుస్తాయి. అడ్వెంచర్ యాక్టివిటీస్ కి ఈ ప్రాంతం బాగా ప్రసిద్ధి.కనతల్ ప్రాంతంలో అక్టోబర్ నుండి మార్చ్ వరకు అనేక పండగలు జరుగుతాయి. ఈ టైంలో పర్యాటకానికి వెళ్లడం చాలా బాగుంటుంది. అయితే కణతాల్ ప్రాంతంలో ఏయే ప్రదేశాలు సందర్శించాలో ఇక్కడ తెలుసుకుందాం. కొడియా ఫారెస్ట్ మీరు ప్రకృతి ప్రేమికులైతే ఈ అడవి అందాలని ఎంతగానో ఆనందిస్తారు. అడవిలో రకరకాల జింకలు, ఎలుగుబంట్లు, ఎన్నో రకాల పక్షులు కనిపిస్తుంటాయి. వైల్డ్ ఫోటోగ్రఫీ ఇష్టపడే వారికి ఈ ప్రదేశం బాగా నచ్చుతుంది.
Details
ఎత్తయిన డ్యామ్ ఉన్న ప్రదేశం
సుకంద దేవి టెంపుల్ కనతల్ ప్రాంతంలో ఉండే ప్రసిద్ధ దుర్గా దేవాలయం ఇది. ఈ దేవాలయానికి సంవత్సరం పొడుగునా భక్తులకు వస్తూనే ఉంటారు. ఈ గుడి దగ్గర నుండి హిమాలయ పర్వతాలు కనిపిస్తాయి. పురాణాల ప్రకారం కైలాసానికి పార్వతితో పాటు శివుడు వెళుతుండగా, సడన్గా పార్వతి తల ఈ ప్రదేశంలో పడిపోయిందని, ఆ తర్వాత ఆ ప్రాంతంలోనే గుడి కట్టారని చెప్పుకుంటారు. న్యూ తెహ్రి ఈ ప్రాంతంలో ఆసియాలోనే అతి పెద్దదైన, ఎత్తయిన డ్యామ్ లలో ఒకటైన తెహ్రీ డ్యాం ఉంటుంది. సముద్ర మట్టానికి 260 మీటర్ల ఎత్తులో ఈ డ్యాం ఉంది. ఇక్కడ తెహ్రీ లేక్ ప్రత్యేక ఆకర్షణగా నిలుస్తుంది.
Details
ఫారెస్ట్ డిపార్ట్ మెంట్ అభివృద్ధి చేసిన పార్క్
చంద్రబద్నీ టెంపుల్ కనతల్ ప్రాంతంలో అత్యంత పవిత్రమైన గుడి ఇది. సముద్ర మట్టానికి 2,777 మీటర్ల ఎత్తులో ఉన్న పర్వతం మీద ఈ గుడి ఉంటుంది. పార్వతీ దేవికి చెందిన ఈ గుడికి ప్రపంచ దేశాల నుండి భక్తులు వస్తుంటారు. ప్రతీ ఏడాది ఏప్రిల్ నెలలో ఈ ప్రాంతంలో జాతర జరుగుతుంది. ధనాల్టీ ఎకో పార్క్ పర్యాటకాన్ని అభివృద్ధి చేసి సందర్శకులను ఆకర్షించడానికి ఉత్తరాఖండ్ ఫారెస్ట్ డిపార్ట్మెంట్ వారు పార్కును అభివృద్ధి చేశారు. ఈ ప్రాంతంలో దేవదారు వృక్షాలు ఎక్కువగా కనిపిస్తాయి.