భీమా సినిమాలో ఇద్దరు హీరోయిన్లతో వస్తున్న గోపీచంద్
ఈ వార్తాకథనం ఏంటి
మ్యాచో స్టార్ గోపీచంద్ హీరోగా రామబాణం విడుదలై డిజాస్టర్ గా మిగిలింది. ప్రస్తుతం గోపీచంద్, కన్నడ దర్శకుడు ఏ హర్ష దర్శకత్వంలో భీమా సినిమా చేస్తున్నాడు.
సత్యసాయి ఆర్ట్స్ బ్యానర్ లో రూపొందుతున్న ఈ సినిమాను కేకే రాధామోహన్ నిర్మిస్తున్నారు.
రెగ్యులర్ షూటింగ్ జరుపుకుంటున్న ఈ సినిమా నుండి తాజాగా రెండు క్రేజీ అప్డేట్స్ వచ్చాయి. ఈ సినిమాలోని ఇద్దరు హీరోయిన్లను ఈరోజు చిత్రబృందం పరిచయం చేసింది.
ధనుష్ సరసన తిరు సినిమాలో నటించిన ప్రియా భవానీ శంకర్ ఈ సినిమాలో హీరోయిన్ గా కనిపిస్తుంది.
అలాగే నేల టిక్కెట్, రెడి సినిమాలో కనిపించిన మాళవిక శర్మను కూడా హీరోయిన్ గా తీసుకున్నట్లు వెల్లడి చేసారు.
Details
సంగీతం అందిస్తున్న కేజీఎఫ్ మ్యూజిక్ డైరెక్టర్
ప్రియా భవానీ శంకర్ గతంలో సంతోష్ శోభన్ సరసన కళ్యాణం కమనీయం సినిమాలో హీరోయిన్ గా కనిపించింది. ఇంకా సత్యదేవ్ హీరోగా రూపొందుతున్న జీబ్రా మూవీలో హీరోయిన్ గా సెలెక్ట్ అయ్యింది.
అదలా ఉంచితే, భీమా సినిమాలో పవర్ ఫుల్ పోలీస్ ఆఫీసర్ గా గోపీచంద్ కనిపించబోతున్నారు. మాస్, యాక్షన్ అంశాలతో ఈ సినిమా తెరకెక్కుతోంది.
కేజీఎఫ్ ఫ్రాంఛైజీ చిత్రాలకు సంగీతం అందించిన రవి బస్రూర్, భీమా సినిమాకు స్వరాలు సమకూరుస్తున్నాడు. రెగ్యులర్ గా చిత్రీకరణ జరుపుకుంటున్న ఈ సినిమా నుండి మరికొద్ది రోజుల్లో మరిన్ని అప్డేట్లు రానున్నాయి.