Udaan: ఉడాన్ ఫేమ్ కవితా చౌదరి కన్నుమూత
ఈ వార్తాకథనం ఏంటి
దూరదర్శన్‌లో పాపులర్ అయిన టెలివిజన్ సిరీస్ 'ఉడాన్'. ఈ సీరియల్ లో ఐపీఎస్ అధికారిణి కళ్యాణి సింగ్ పాత్రలో నటించిన నటి కవితా చౌదరి గురువారం గుండెపోటుతో మరణించారు. ఆమె వయసు 67 సంవత్సరాలు.
కవితా చౌదరి మరణ వార్తను నేషనల్ స్కూల్ ఆఫ్ డ్రామాలో ఆమె బ్యాచ్‌మేట్‌గా ఉన్న తోటి నటుడు అనంగ్ దేశాయ్ ధృవీకరించారు.
కవితా చౌదరి మేనల్లుడు అజయ్ సయల్ ఏబీపీ న్యూస్‌తో మాట్లాడుతూ గత మూడు, నాలుగు రోజులుగా ఆమె అమృత్‌సర్‌లోని పార్వతి దేవి ఆసుపత్రిలో చేరిందని, అక్కడ ఆమెకు వైద్య చికిత్స అందిస్తున్నామని చెప్పారు.
గత కొన్నేళ్లుగా క్యాన్సర్‌తో పోరాడుతున్ననటి, గురువారం రాత్రి 8.30 గంటలకు ఆస్పత్రిలో చికిత్స పొందుతూ తుది శ్వాస విడిచారు.
Details
ఐపీఎస్ అధికారిణి కళ్యాణి సింగ్ పాత్రలో కవితా చౌదరి
కవితా చౌదరి అంత్యక్రియలు అమృత్‌సర్‌లో నిర్వహిస్తున్నట్లు అజయ్ సయల్ ABP న్యూస్‌కి తెలిపారు.
దూరదర్శన్ టెలివిజన్ సిరీస్ ఉడాన్‌లో ఐపీఎస్ అధికారిణి కళ్యాణి సింగ్ పాత్రలో కవితా చౌదరి బాగా పేరు తెచ్చుకుంది.
ఆమె 1980ల చివరలో బాగా పాపులర్ అయిన సర్ఫ్ డిటర్జెంట్ వాణిజ్య ప్రకటనలలో కనిపించింది. ఈ కమర్షియల్‌లో కవిత 'లలితాజీ'గా నటించింది.
కవిత చౌదరి కోల్‌కతాలో జన్మించారు. ఆమె పోలీసు అధికారి కంచన్ చౌదరి భట్టాచార్యకి చెల్లెలు.
కిరణ్ బేడీ తర్వాత కాంచన్ రెండవ మహిళా IPS అధికారి, ఒక రాష్ట్రానికి DGP అయిన మొదటి మహిళ. ఆమె 2019లో మరణించింది.
ట్విట్టర్ పోస్ట్ చేయండి
సర్ఫ్ డిటర్జెంట్ వాణిజ్య ప్రకటనలో'లలితాజీ'గా గుర్తింపు
Actress and Producer Kavita Chaudhary Passes Away! 🙏🏻🙏🏻
— Telly Coverage (@tellycoverage) February 16, 2024
.
.
.#KavitaChaudhary #RestInPeace #RIP #Udaan #UdaanSapnonKi #TellyNews #TVNews #TellyCoverage pic.twitter.com/taxye3W9Ar