Varun Sandesh: అంతర్జాతీయ స్థాయిలో వరుణ్ సందేశ్ 'నింద'కు ప్రత్యేక గుర్తింపు
ఈ వార్తాకథనం ఏంటి
టాలీవుడ్ నటుడు వరుణ్ సందేశ్ నటించిన 'నింద' చిత్రం క్రైం థ్రిల్లర్ జోనర్‌లో రూపొందింది.
ఈ చిత్రానికి రాజేశ్ జగన్నాథం దర్శకత్వం వహించారు. వాస్తవ ఘటనల ఆధారంగా 'కాండ్రకోట మిస్టరీ' అనే క్యాప్షన్‌తో రూపొందించిన ఈ మూవీ 'ది ఫెర్వెంట్ ఇండీ ప్రొడక్షన్స్' బ్యానర్‌పై చిత్రీకరించారు.
జూన్ 21న థియేటర్లలో విడుదలైన ఈ చిత్రం మిక్స్‌డ్ రెస్పాన్స్‌ను పొందింది. ప్రస్తుతం ఈ చిత్రం పాపులర్ ఓటీటీ ప్లాట్‌ఫామ్ అయిన ఈటీవీ విన్‌లో స్ట్రీమింగ్ అవుతోంది.
సెప్టెంబర్ 6న ఓటీటీలో విడుదలైన ఈ చిత్రం 35 మిలియన్లకు పైగా స్ట్రీమింగ్ మినిట్స్‌ను క్రాస్ చేసి అరుదైన ఫీట్‌ను సాధించింది.
Details
అంతర్జాతీయంగా 'నింద' స్ట్రీమింగ్
ఇక ఈ చిత్రం అంతర్జాతీయంగా కూడా స్ట్రీమింగ్ కానుంది. ఎమిరేట్స్, మలేషియన్ ఎయిర్‌లైన్స్‌లో ప్రసారం చేయడానికి ఆమోదం పొందింది.
తెలుగు సినిమా అంతర్జాతీయ స్థాయిలో సందడి చేస్తున్నందుకు ఇది ప్రత్యేకం.
ఈ చిత్రంలో నటించిన ముఖ్య పాత్రల్లో తనికెళ్ల భరణి, భద్రమ్, చత్రపతి శేఖర్, సిద్ధార్థ్ గొల్లపూడి, శ్రేయా రాణిరెడ్డి, అన్నీ, క్యూ. మధు, సూర్య, అరుణ్ దలై, మైమ్ మధు ఉన్నారు.