వరుణ్ తేజ్ పెళ్ళి డేట్ పై క్లారిటీ? మెగా ఇంట్లో పెళ్ళి బాజాలు ఎప్పుడు మోగనున్నాయంటే?
ఈ వార్తాకథనం ఏంటి
వరుణ్ తేజ్, లావణ్య త్రిపాఠి పెళ్ళితో ఒక్కటి కాబోతున్నారని తెలిసిందే. వీరిద్దరి నిశ్చితార్థం జూన్ 9వ తేదీన హైదరాబాద్ లో అత్యంత సమీప బంధువులు, స్నేహితుల మధ్య జరిగింది.
ప్రస్తుతం పెళ్ళి ఎప్పుడనే విషయంలో అనేక వార్తలు వస్తున్నాయి. ఈ సంవత్సరం డిసెంబర్ నెలలో వరుణ్ తేజ్, లావణ్య త్రిపాఠిల వివాహ వేడుక ఉండనుందని నిశ్చితార్థం సమయంలో వార్తలు వచ్చాయి.
తాజాగా వస్తున్న సమాచారం ప్రకారం, వచ్చె నెలలో వరుణ్ తేజ్, లావణ్య వివాహ వేడుక ఉండనుందని తెలుస్తోంది. ఆగస్టు 24వ తేదీన మెగా ఇంట పెళ్ళి బాజాలు మోగనున్నాయని చెబుతున్నారు.
ఈ విషయమై అధికారిక సమాచారం రాలేదు కానీ సోషల్ మీడియాలో మాత్రం న్యూస్ వస్తూనే ఉంది.
Details
షాపింగ్ చేయడానికి ప్యారిస్ వెళ్ళిన జంట
మరి ఆగస్టు 24వ తేదీన వివాహ వేడుక ఉంటుందా ఉండదా అనే విషయంలో మెగా ఇంటి నుండి అప్డేట్ వస్తేనే తెలుస్తుంది. మరో విషయం ఏమిటంటే, వివాహ వేడుక ఇటలీలో జరగనుందని అంటున్నారు.
వివాహ వేడుక కోసం షాపింగ్ చేయడానికి వరుణ్ తేజ్, లావణ్య త్రిపాఠి ప్యారిస్ వెళ్లారని సమాచారం.
వరుణ్ తేజ్, లావణ్య త్రిపాఠి మొదటిసారిగా శ్రీనువైట్ల దర్శకత్వంలో తెరకెక్కిన మిస్టర్ చిత్రంలో కలిసి పనిచేసారు. ఆ తర్వాత సంకల్ప్ రెడ్డి డైరెక్షన్ లో అంతరిక్షం సినిమాలో నటించారు.
వరుణ్ తేజ్ సినిమాల విషయానికి వస్తే, ప్రస్తుతం గాండీవధారి అర్జున సినిమా రిలీజ్ కి రెడీగా ఉంది.