ఆపరేషన్ వాలెంటైన్: వరుణ్ తేజ్ బాలీవుడ్ ఎంట్రీ మూవీ డబ్బింగ్ పనులు షురూ
ఈ వార్తాకథనం ఏంటి
మెగా ప్రిన్స్ వరుణ్ తేజ్ ఇటీవల గాండీవధారి అర్జున సినిమాతో ప్రేక్షకుల ముందుకు వచ్చాడు. ప్రవీణ్ సత్తారు దర్శకత్వం వహించిన ఈ సినిమా అంతగా ఆకట్టుకోలేదు.
ప్రస్తుతం వరుణ్ తేజ్ నుండి ఆపరేషన్ వాలెంటైన్ సినిమా వస్తోంది. తెలుగు, హిందీ రెండు భాషల్లో ఒకేసారి తెరకెక్కుతున్న ఈ సినిమాలో మాజీ ప్రపంచ సుందరి మానుషి చిల్లర్ హీరోయిన్ గా కనిపిస్తోంది.
భారత వైమానిక వీరుల సాహసాలను ఆపరేషన్ వాలెంటైన్ సినిమాలో చూపించబోతున్నారు. ఇందులో పైలైట్ గా వరుణ్ తేజ్ కనిపించనున్నారు. రాడార్ ఆఫీసర్ గా హీరోయిన్ మానుషి చిల్లర్ కనిపించనుంది.
తాజాగా ఈ సినిమా నుండి క్రేజీ అప్డేట్ బయటకు వచ్చింది.
Details
డిసెంబర్ 8వ తేదీన ఆపరేషన్ వాలెంటైన్ విడుదల
ఆపరేషన్ వాలెంటైన్ సినిమా డబ్బింగ్ పనులు ఆల్రెడీ మొదలయ్యాయి. ఈ మేరకు మేకర్స్ అప్డేట్ ఇచ్చారు. ఆపరేషన్ వాలెంటైన్ డబ్బింగ్ స్టార్ట్ అయిపోయిందని ఒకానొక ఫోటోను చిత్రబృందం రిలీజ్ చేసింది.
ఎయిర్ ఫోర్స్ నేపథ్యంలో సాగే ఈ సినిమాను ఎయిర్ ఫోర్స్ డే డిసెంబర్ 8వ రోజున రిలీజ్ చేయాలని మేకర్స్ అనుకుంటున్నారు. ఈ మేరకు ప్రకటన కూడా ఇచ్చేశారు.
ఇప్పటివరకు తెలుగు సినిమాల్లో మాత్రమే కనిపించిన వరుణ్ తేజ్, ఆపరేషన్ వాలెంటైన్ సినిమాతో బాలీవుడ్ ఎంట్రీ ఇవ్వబోతున్నాడు.
శక్తి ప్రతాప్ సింగ్ హడా దర్శకత్వం వహిస్తున్న ఈ సినిమాను సోనీ పిక్చర్స్ ఇంటర్నేషనల్ ప్రొడక్షన్స్ రెనైసెన్స్ సంయుక్తంగా నిర్మిస్తున్నాయి.