ఫ్యామిలీ స్టార్ టైటిల్ తో విజయ్ దేవరకొండ కొత్త చిత్రం.. దసరాకు టీజర్ రిలీజ్?
ఇటీవల ఖుషి సినిమాతో ప్రేక్షకుల ముందుకు వచ్చిన విజయ్ దేవరకొండ, ఒక మోస్తారు విజయాన్ని అందుకున్నాడు. ఖుషి తర్వాత విజయ్ దేవరకొండ జాబితాలో మూడు సినిమాలు ఉన్నాయి. అందులో గీతగోవిందం దర్శకుడు పరుశురామ్ తో చేస్తున్న సినిమా కూడా ఉంది. దిల్ రాజు నిర్మాతగా శ్రీ వెంకటేశ్వర క్రియేషన్స్ బ్యానర్లో రూపొందుతున్న ఈ సినిమా టైటిల్ ఫిక్స్ అయినట్లు వార్తలు వస్తున్నాయి. విజయ్ దేవరకొండ, పరశురామ్ కాంబినేషన్లో రూపొందుతున్న ఈ సినిమాకు ఫ్యామిలీ స్టార్ అనే టైటిల్ ని ఫిక్స్ చేసినట్లు సమాచారం అందుతోంది. ప్రస్తుతానికి ఈ విషయమై అధికారిక సమాచారం బయటకు రాలేదు. దసరా కానుకగా అక్టోబర్ 18వ తేదీన ఫ్యామిలీ స్టార్ టైటిల్ ని విడుదల చేయనున్నారట.
విజయదశమి కానుకగా టీజర్ ను విడుదల చేసే ప్లాన్ లో చిత్రబృందం
సీతారామం సినిమాతో తెలుగు ప్రేక్షకులందరికీ ఆకట్టుకున్న మృణాల్ ఠాకూర్, మజిలీ, మైఖేల్ సినిమాల్లో నటించిన దివ్యాంశ కౌశిక్ హీరోయిన్లుగా నటిస్తున్న ఫ్యామిలీ స్టార్ సినిమా టీజర్ కూడా విజయదశమి కానుకగా అక్టోబర్ 18వ తేదీన రిలీజ్ అయ్యే అవకాశం ఉందని అంటున్నారు. పరశురామ్ గత చిత్రాల మాదిరిగానే ఫ్యామిలీ స్టార్ సినిమా కూడా ఫ్యామిలీ ఎంటర్ టైనర్ గా ఉండబోతుందని సమాచారం. ఫ్యామిలీ స్టార్ సినిమాను సంక్రాంతి కానుకగా థియేటర్లలోకి తీసుకురావడానికి చిత్రా నిర్మాతలు ప్రయత్నిస్తున్నారు. అదలా ఉంచితే, జెర్సీ దర్శకుడు గౌతమ్ తిన్ననూరి దర్శకత్వంలో విజయ్ దేవరకొండ మరొక సినిమా చేస్తున్నారు. అలాగే దిల్ రాజు నిర్మాతగా రవికిరణ్ కోలా దర్శకత్వంలోనూ నటిస్తున్నారు.
