విరూపాక్ష: కథ ఎందుకు ఒప్పుకున్నాడో రివీల్ చేసిన సాయి ధరమ్ తేజ్
ఈ వార్తాకథనం ఏంటి
సుకుమార్ అందించిన స్క్రీన్ ప్లే తో వస్తున్న విరూపాక్ష సినిమాపై జనాల్లో మంచి అంచనాలు ఉన్నాయి. సుకుమార్ కథలు బావుంటాయన్న నమ్మకం, విరూపాక్ష ట్రైలర్ లో కనిపించిన ఆసక్తికర సన్నివేశాలు.. మొదలగు వాటివల్ల విరూపాక్ష సినిమా మీద జనాలు ఒక అంచనాలో ఉన్నారు. ఆ అంచనాలను మరింత పెంచేందుకు విరూపాక్ష చిత్రబృందం ప్రమోషన్లు మొదలుపెట్టింది. ఏప్రిల్ 21వ తేదీన ప్రపంచ వ్యాప్తంగా థియేటర్లలోకి విరూపాక్ష వచ్చేస్తోంది. ఈ నేపథ్యంలో పాత్రల పరిచయం పేరుతో ఈవెంట్ నిర్వహించారు. ఇందులో సాయి ధరమ్ తేజ్ మాట్లాడుతూ, విరూపాక్ష కథ ఒప్పుకోవడానికి కారణం సహా మిగతా వివరాలను వెల్లడి చేసాడు. ఆ ప్రకారం, ఈ కథను చేయడానికి ముఖ్య కారణం సుకుమార్ అని అన్నాడు.
విరూపాక్ష
అంచనాలను మించిపోయేలా ఉంటుందంటున్న సాయి ధరమ్ తేజ్
2019లో తనకు సుకుమార్ కాల్ చేసారనీ, ఒక కథ ఉంది వినమని చెప్పారట. ఆ తర్వాత విరూపాక్ష దర్శకుడు కార్తీక్ దండు కథ వినిపించాడట. కథలోని కొత్తదనం, ఇదివరకెప్పుడూ చేయని జోనర్ కావడంతో సినిమాను ఓకే చేసానని చెప్పుకొచ్చాడు సాయి ధరమ్ తేజ్. విరూపాక్ష సినిమా, ప్రేక్షకుల అంచనాలను మించి ఉంటుందని నమ్మకంగా చెప్పాడు సాయి ధరమ్ తేజ్. ఈ సినిమాకు మ్యూజిక్ అందించిన అంజనీష్ లోక్ నాథ్ కు ఫ్యాన్ ఐపోయాయని తెలియజేసాడు. సినిమా సెటప్, స్క్రీన్ ప్లే కొత్తగా ఉంటుందని అన్నాడు. శ్రీ వెంకటేశ్వర్ సినీచిత్ర, సుకుమార్ రైటింగ్ బ్యానర్ లో రూపొందిన విరూపాక్ష సినిమాలో సంయుక్తా మీనన్ హీరోయిన్ గా చేస్తుంది.