విశ్వక్ సేన్ బర్త్ డే స్పెషల్: కాన్ఫిడెన్స్ కి నిలువుటద్దం లాంటి హీరో
ఈ వార్తాకథనం ఏంటి
విశ్వక్ సేన్.. తెలుగు సినిమా హీరో. ఈయన మాట్లాడితే కాన్ఫిడెన్స్ కే కాన్ఫిడెన్స్ పుట్టుకొస్తుంది. కాన్ఫిడెన్స్ కి నిలువుటద్దంలాంటి హీరో, ఈరోజు పుట్టినరోజు జరుపుకుంటున్నారు. హైదరాబాద్ లో పుట్టి పెరిగిన విశ్వక్ సేన్ అసలు పేరు దినేష్ నాయుడు. ఏవో కారణాల వల్ల పేరు మార్చుకుని వెళ్ళిపోమాకే సినిమాతో హీరోగా మారాడు. తర్వాత ఈ నగరానికి ఏమైంది సినిమాలోని విశ్వక్ సేన్ పాత్రకు మంచి పేరొచ్చింది. ఈ సినిమాలో నటనకు సంతోషం ఫిలిమ్ అవార్డ్ అందుకున్నాడు. ఆ తర్వాతే ఫలక్ నుమా దాస్ విడుదలైంది. విశ్వక్ కెరీర్ ని పూర్తిగా మలుపు తిప్పిన చిత్రం ఇది. యువతలో క్రేజ్ నీ, మాస్ లో ఫాలోయింగ్ నీ తెచ్చి పెట్టింది ఫలక్ నుమా దాస్.
విశ్వక్ సేన్
విశ్వక్ సేన్ కెరీర్లోని విభిన్నమైన చిత్రాలు
ఫలక్ నుమా దాస్ చిత్రం, విశ్వక్ లోని దర్శకుడిని పరిచయం చేసింది. ఈ హీరో ఇంత బాగా డైరెక్షన్ చేయగలడా అని అందరూ షాకయ్యారు. ఈ సినిమాకు ప్రొడ్యూసర్ కూడా తనే కావడం విశేషం. విశ్వక్ సేన్ నటనలోని మరో కోణాన్ని ఆవిష్కరించిన సినిమాల్లో హిట్, అశోకవనంలో అర్జున కళ్యాణం, ఓరి దేవుడా చిత్రాలు చేరిపోతాయి. హిట్ సినిమాలో పవర్ ఫుల్ పోలీస్ ఆఫీసర్ గా ఎంత బాగా చేసాడో, అశోక వనంలో అర్జున కళ్యాణం, ఓరి దేవుడా వంటి చిత్రాల్లో రొమాంటిక్ హీరోగా అంత బాగా కనిపించాడు. తాజాగా దాస్ కా ధమ్కీ అంటూ మరోసారి డైరెక్షన్ తో వచ్చాడు. ఈ సినిమా మంచి వసూళ్ళు సాధిస్తూ బాక్సాఫీసు వద్ద దూసుకుపోతోంది.