Laila Movie Trailer: 'లైలా' ట్రైలర్ విడుదల.. అమ్మాయి గెటప్లో విశ్వక్ సేన్ ఎంత అందంగా ఉన్నాడో
ఈ వార్తాకథనం ఏంటి
మాస్ కా దాస్ విశ్వక్ సేన్ ప్రధాన పాత్రలో నటిస్తున్న చిత్రం 'లైలా'.
ఈ సినిమాకు దర్శకుడు రామ్ నారాయణ్ దర్శకత్వం వహిస్తుండగా, సాహు గార్లపాటి నిర్మిస్తున్నారు.
వాలెంటైన్స్ డే సందర్బంగా ఈ సినిమా ఫిబ్రవరి 14న థియేటర్లలో విడుదల కానుంది.
ఇప్పటికే సినిమా నుంచి టీజర్, పాటలను చిత్రబృందం విడుదల చేసిన సంగతి తెలిసిందే. తాజాగా ట్రైలర్ కూడా విడుదలైంది.
వివరాలు
ఎమ్మెల్యే హత్య కేసుకు లైలాకి ఏమిటీ సంబంధం?
ఈ ట్రైలర్ చూస్తుంటే, లేడీస్ బ్యూటీ పార్లర్ నడుపుతున్న బార్బర్ సోన్ (విశ్వక్) అనుకోకుండా స్థానిక ఎమ్మెల్యే హత్య కేసులో ఇరుక్కున్నట్లు తెలుస్తుంది.
దీంతో, ఎమ్మెల్యే మ‌నుషులు అతడు దొరికితే చంపేందుకు ప్రయత్నిస్తుంటారు. ఈ పరిస్థితిలో తన ప్రాణాలను రక్షించుకోవడానికి, విశ్వక్ లైలా అనే మహిళా గెటప్‌లోకి మారిపోతాడు.
అయితే, లేడీ గెటప్లో మారిన విశ్వక్‌కు ఎదురైన అనేక సంఘటనలు ఏంటి? ఎమ్మెల్యే హత్య కేసుకు లైలాకి ఏమిటీ సంబంధం?
ఇవి తెలుసుకోవడానికి ఈ సినిమా తప్పక చూడాలి. ఈ ట్రైలర్ మొత్తం డబుల్ మీనింగ్ డైలాగ్‌లతో నింపారు.
ప్రస్తుతం ట్రెండ్ అవుతున్న ఈ ట్రైలర్‌ను మీరు కూడా చూసేయండి.