Tiger 3: 'టైగర్-3' థియేటర్‌లో టపాసులు పేల్చిన ఆకతాయిలు.. మండిపడుతున్న నెటిజన్లు
సల్మాన్ ఖాన్ మోస్ట్ అవైటెడ్ ఫిల్మ్ 'టైగర్-3' దీపావళి సందర్భంగా విడుదలై విజయవంతంగా ప్రదర్శంచబడుతోంది. ఈ సందర్భంగా టైగర్ 3 మూవీ ఆడుతున్న ఓ థియేటర్‌లో సల్మాన్ అభిమానులు అత్యుత్సాహాన్ని చూపించారు. మూవీలో సల్మాన్‌ఖాన్‌ ఎంట్రీ సమయంలో ఓ థియేటర్లలో అభిమానులు పటాకులు పేల్చారు. సల్మాన్ అభిమానులు క్రాకర్స్‌ పేల్చుతున్న వీడియో సోషల్ మీడియాలో వైరలైంది. సోషల్ మీడియాలో వైరల్ అవుతున్న ఈ వీడియో మహారాష్ట్రలోని మాలెగావ్ థియేటర్‌లో జరిగినట్లు తెలుస్తోంది. బాణాసంచా పేలిన తర్వాత సినిమా చూడటానికి వచ్చిన ప్రేక్షకులు పరుగులు తీయడం వీడియోలో కనిపిస్తుంది. ఈ క్రమంలో థియేజర్‌లో టపాసులు పేల్చడంపై సోషల్ మీడియాలో నెటిజన్లు సల్మాన్ ఖాన్ అభిమానులపై విమర్శలు చేస్తున్నారు.
