Devara Glimpsc : ఎన్టీఆర్ 'దేవర' గ్లింప్స్ వీడియో ఎప్పుడు వస్తుందంటే?
యంగ్ టైగర్ ఎన్టీఆర్ (NTR) హీరోగా నటిస్తున్న దేవర (Devara) సినిమాలు భారీ అంచనాలే నెలకొన్నాయి. ఆర్ఆర్ఆర్ తర్వాత ఎన్టీఆర్ గ్లోబల్ స్టార్‌గా ఎదిగారు. కొరటాల శివ(Koratala Shiva) దేవర మూవీని భారీ బడ్జెట్‌తో తెరకెక్కిస్తున్నాడు. ఈ మూవీని రెండు పార్టులుగా విడుదల చేయనున్నారు. దేవర పార్ట్-1 సినిమా2024 ఏప్రిల్ 5న రిలీజ్ కానుంది. ఇప్పటికే ఈ సినిమా అప్డేట్ గురించి ఎన్టీఆర్ ఫ్యాన్స్ అతృతుగా ఎదురుచూస్తున్నారు. తాజాగా దేవర సినిమా గ్లింప్స్ గురించి ఓ వార్త బయటికొచ్చింది. గ్లింప్స్ వీడియో 2024 జనవరి 8 రిలీజ్ చేయనున్నట్లు సమాచారం. అయితే దీనిపై మూవీ యూనిట్ అధికారిక ప్రకటన ఇవ్వాల్సి ఉంది.
అత్యున్నత ప్రమాణాలతో తెరకెక్కుతున్న 'దేవర' మూవీ
అయితే ఇప్పటికే దేవర సినిమా గ్లింప్స్ పనులను మూవీ యూనిట్ ఇప్పటికే చేస్తోందని తెలుస్తోంది. మరోవైపు ఈ సినిమాను అత్యున్నత ప్రమాణాలతో తెరకెక్కిస్తున్నారు. ఇక సముద్ర తీర ప్రాంతంలో ఉండే ప్రజల కోసం పోరాడే యోధుడిగా దేవర సినిమాలో ఎన్టీఆర్ నటిస్తున్నట్లు తెలుస్తోంది. ఎన్టీఆర్ సరసన బాలీవుడ్ బ్యూటీ జాన్వి కపూర్ హీరోయిన్ గా నటిస్తున్నారు.
